Riithai Sii Phor Lo Ding In CNO/CNDF Nih Ralrin Nak An Thanh

Ralrin peknak cathanh a zul lomi cu CNO/CNDF nih fak piin dantat a si lai tiah a langhter.
Riithai sii Myanmar ram lei in phor i India, Mizoram chungah a zuartu Myanmar rammi, Chin miphun tampi cu Mizoram palik nih an tlaih hna tiah thawng ṭha lo taktak theih a si tiah a langhter.

Ram buainak ruangah Chin miphun hna ralzaam dirhmun an phaknak le Mizoram mipi dawtnak kha caanṭha lak in mah ca miaknak, hakauhnak le mi zertiang cheukhat nih Mizoram lei ah riithai sii an phorh kha hmuh khawh a si tiah a langhter. Cubantuk thiltuahnak cungah CNO/CNDF telh in Chin mipi hna nih faak piin kan doh tiah a langhter.

Thawngdang – Chin ramkulh, Kanpetlet palik saakhan ah rian a ṭuan liomi palik Pyae San Naung cu hriam he June 23 ah CDF-Kanpetlet sinah CDM a tuah tiah theih a si.

G-3 he CDM a tuahmi Pyae San Naung cu CDF-Kanpetlet nih tangka sing 60 laksawng a pek i himnak hmun ah kuat a si tiah theih a si. Mipi sinah fonh a duhmi palik le ralkap pawl cu CDF-Kanpetlet nih cohlan peng nan si ko tiah a langhter. Crd : The Chinland Post

Be the first to comment

Leave a Reply

Your email address will not be published.


*