REV.DR C DUH KAM & PI ZA CI HNA NIH BAWMHNAK AN PEK HNA

Ram chung / Ram leng um mi Laihritlai khat dawtmi U le nau hna nan theih cio ban tuk in Covid -19 Zawtnak ttha lo ruang ah a tu lio Yangon khua chung Nikhat te hmanh ah Minung 1500 leng thlan mual a kan liam tak can a um i Ruak kuang hmanh nih a zo ti lo i Puan in Ruak zual riang mang in Ruak kan vui can hna a tam tuk cu dirhmun kan phan.

USA in Rev.Dr C Duh Kam & Pi Za Ci hna nih Covid-19 Mizaw mi Dirkamh nak ca Lai Chiat That Bu ah Ks 300,000 an kan bawmh. Mipi dirkamhnak nan lungput hi kan i lawm tuk . Pathian nih Miphun ca ah in cawisang chin ko hna seh. Yangon Lai Chiat That Bu aiawh in kan lunglawmhnak kan langh ter. Credit: Lian Iap.

May be an image of 2 people, people standing and indoor

Thawngpang dang: Aung San Suu Kyi zawtnak angei maw ngeilo timi an langhter. Nizan le tuchun hi Aung San Suu Kyi cu biaceihzung ah a chuak dingmi asi. Asinain August thla thok lei ah an thawn asi. Hi kongah Aung San Suu Kyi cu a ngandamnak a that lo ruangah siseh zawtnak covid angeih ruang ah a si lai tiah thawngpang a leng.. Hi konghe pehtlaiin Aung San Suu Kyi a sihni nih atanglei bangin a chim.

Asihni nih a chimmi cu thil a rak cahmi ah hin Tiksik an-hnah phun lawng a rak cah. Si le ai lei kongah a cah mi a um lo tiah a chim. August nikhat tiang dawr le zung pawl khar asi lai caah August nihnih le nithum ah biacaihzung chuah ni cu thawn asi tiah Aung San Suu Kyi a sihni Daw Min Soe nih BBC thawngzamh nak ah a chim. Tuzing ah biaceih zong phone kan chawn hna.

Cu ahcun thawngpang kan rak in thanhte hna lai tiah aa kan chimh i, Suimilam pahra hrawng ah biaceihzung chuah ni caan cu thawn asi tiah aa kan chimh tiin a chim chih. Aung San Suu Kyi covid zawtnak angei timi kongah bbc thawngzamhnak nih biahalnak an tuah i, Aung San Suu Kyi nih hitihin aleh hna. Angandamnak a tthalo timi kongah Police officer kan hal hna i, covid angeimi an um lo tiah aa kan ti.

Zawtnak angei timi hi a si lai lo. Nizan tiangah a thil cahmi kan kuat zongah ei le din le thildang aharhmi lawng asi i, Sii ai lei cu angeih rih caah a cahchap lo. Curuangah a ngandamnak cu a tha ko ti khawh asi. Asinain kan hal chin hna i, biadik taktak cu chim khawh asi lo tiah lehnak atuah. Aung San Suu Kyi cu atu ahhin case panga in bia an ceih cuahmah lio asi.

Be the first to comment

Leave a Reply

Your email address will not be published.


*