RALHRANG VANLONG NIH ANMAH LEI AN KAH SUAL, TAMTUK AN THI

SAC Ralkap Vanlawng nih Anmah Ralkap pawl a Kah Sual Hna, SAC Ralkap 30 Leng an Thi. May 6 ah SAC ralkap Fighter Jet pakhat nih Kachin ramkulh, Moemok peng chung ah anmah ralkap pawl a kah sual hna caah SAC ralkap 30 leng an thi, tiah KIA chimnak nawlngei Colonel Naw Bu nih a chim. Moemok peng chung i SAC ralkap bu minung 100 leng kha KIA hriamtlai ah an ruah hna i SAC ralkap Fighter Jet nih Van in a kah sual hna hi a si.

May be an image of bird and nature

Col. Naw Bu nih, “Moemok peng chung ah anmah le anmah vanlawng in an i kap sual. SAC ralkap 30 leng an thi. A dang 80 leng hliamhma an pu hna,” tiah a chim. May 6 ah KIA nih SAC ralkap pawl hmun 3 ah an doh hna i SAC ralkap 200 leng hliamhma an pu i, a thimi zong an tam ngai, tiah Kachin thawngzamhnak nih an ttial. Credit:The Chin Journal

War in Burma's Ethnic States: Is military solution the way to peace and  reconciliation? - Kachinland News

Relchih Thawngpang Dang: Doh Hau loin SAC Ralkap nih Kayin Ram i an Sakhaan an Zaamtak. Kayin ram kulh, Thailand ramri, Thanlwin tivakam ah a ummi SAC ralkap sakhaan (Uh-tuh-tah) cu KNU nih doh hau loin SAC ralkap pawl nih an zaamtak, tiah Kayin thawngzamhnak KIC nih hmanthlak pawl he a langhter. May 6 zaan ah khan doh hau loin an zaamtak.

KNU nih kan kulh dih cang hna caah Thailand lei ah an zaam hna. Mae-kha-tha timi SAC ralkap sakhaan pakhat pawngkam ah a um i, mahka ah cun kir te hna sehlaw a dawh,” tiah KNU ttuanvo ngeitu pakhat nih a chim. SAC ralkap nih an zaamtakmi Uh-tuh-tah sakhaan ah nihin zinglei sml. 9:00 ah KNU Brigade-5 ralkap pawl an vung kal i, SAC ralkap nih an kaltakmi bomb kuan hawng pawl lawng an taantakmi an hmuh hna. The Chin Journal

Be the first to comment

Leave a Reply

Your email address will not be published.


*