RALHRANG THILTUAH HI AA AN TTIH RUANGAH A SI HNGA MAW

Ralhrang kawlralkap thiltuah hi Arakan Army AA hi cu an rak ttih hna ruangah a si hnga maw. AA ralbawi a chungkhat hna cu Ralhrang kawlralkap nih an thlah diam hna. AA ralbawi Tun Myat Naing i, a unau pa le a farnu telh in minung pahra hna cu kawlralkap ralhrang hna nih AA he pehtlai in an rak tlaih hna, Asinain tuni ah an tlaihmi minung pahra hna cu an thlah cang hna.

Ralhrang kawlralkap hna nih AA he pehtlaihnak angei tiah an timi hna AA ralbawi chungkhat le an hawi le midang minung pahra hna cu Singapor ah an rak zaam. Asinain Singapor cozah nih ralhrang nan bawmh hna tiah an tlaih hna hnu ah kawlram ah an kuat hna. An rak kuat hna hi nikum hmasa 2019 july ni 11 ah a rak si. Kawlram an phak in Insein thonginn ah an chiah hna.

No description available.

AA ralbawi farnu tuhi cu a vapa don ah a kal i, airport ah an tlaih mi asi. AA konghe pehtlaiin an tlaihmi hna hi minung pahra an si. Asinain tuni ah an dih lak in ralhrang kawlralkap hna nih an thlah tthan cang hna. Tutan ah an thlahnak hna a ruang bik cu sual a rak phawtu hna nih biaceih zungah taza an cuainak an leet tthan ruangah asi tiah an chim.

Hi konghe pehtlaiin a liamcia mi June nikhat ah khan Rakhine ramkulh ah thong a tlami minung 26 hna cu ralhrang kawlralkap hna nih an rak thlah cang hna. Atuhi thongthlaak mi minung 200 renglo hna zong chuah colh dingin an tawlrel lio asi tiah an langhter. Zeiruangah dah ralhrang kawlralkap hna nih midang an tlaih mi an thlah ve hna lo? AA le ralhrang hi zeitindah rian an ttuan ning asi hnga tiah comment ah biahalnak an tuah cio.

No description available.

Thawngpang dang:Hakha City Hall pawng Zu a Dingmi hna Motorcyle SAC Ralhrang nih an Tlaih. Nizan (June 8 ) zaan ah Hakha City Hall (မြို့တော်ခန်းမ) pawng ah pa cheukhat zu an ding hna i SAC ralhrang nih an hmuh hna caah tlaih an timh hna, tiah upa pakhat nih The Chin Journal ah a chim. Asinain, zu a dingmi pawl cu an motorcycle an kaltak i an kee in an zaam hna. An kaltakmi motorcycle pahnih cu SAC ralhrang nih an lak. Atulio hi tluk ram buai le thawngpang chiat lio ah zudin ruah i zaan vah hi cu a si kan si kho ti lo. Midang zong i ralring hna seh,” tiah a cunglei upa nih a chim. The Chin Journal.

Be the first to comment

Leave a Reply

Your email address will not be published.


*