PU TLER LING RUAK RALKAP NIH KALAY AH AN KHANGH

Pu Tler Ling Ruak Ralkap nih Kalay ah an Khangh. Hakha SAC palik nih an tlaih i, a nunnak a liammi Pu Tler Ling (kum 56) ruak cu Kalay ah kan khangh, tiah thawng kan theih. Nihin zinglei ah Pu Tler Ling ruak lak ding in Hakha pastorte Rungtlang ah an vung kal i ralkap nih, “COVID-19 zawtnak a ngeih caah Kalaymyo ah a ruak kan khangh,” tiah an leh hna i ruak hlam ding in a kalmi pastorte cu an lawng in an rak kir. Rungtlang ralkap nih COVID-19 zawtnak a ngei an ti nain May 12 chuak SAC thawngzamhnak Myanmar Alin nih cun “Pu Tler Ling hi Lung zawtnak a ngeih ruang ah a nunnak a liam” tiah an ttial. Credit: The Chin Journal

May be an image of one or more people, people standing, outdoors and text that says "THE CHIN JOURNAL"

Relchih:JUSTICE STRIKE. Miphun a lianhngantertu cu DINNAK a si. PU TLER LING, 56-yr. Rest In Power. Tler Ling cu HAKHA khua ah Laimi lakah MAL ralkap kut in a thi hmasa bik FIRST MARTYR a si.A Phunhawi Caah Teirul Chamtu Moses Fimnak cu a ngeitu caah cun nunnak cerhti a si. Cu fimnak cu a hmanmi le a dikmi thil hmuhnak ding caah tuahsernak in langhter khi a si. MOSES cu kum 40 a ti tikah Izipt fimnak vialte, thil tikhawhnak vialte cu a cawn dih cang.

Cu bantukin mingan ngaingai a sinak cu amah caah nun duhdim hmuhnak menmen ca lawngah a hmang lo. A phunhawi ISRAEL mi kha a va leng hna, an tuar innak le thlanglamhmi an sinak nunnak chungin zeitindah luatnak ka hmuhter khawh hna lai ti kha a ruat peng mi pa fim a si. Voi khat cu Egypt sal bawipa nih a phunhawi cungah hremnak le tukvelhnak a ngeih lio kha a hmuh i cucaah a phunhawi a simipa cu a bawmh i Egypt mipa cu teirul cham in a thah.

Cu bantukin phunhawi caah a rak tuahsernak cu miphun hna nih Izipt ram in luatnak an hmuhnak ding caah lam hmuhsaktu a rak si kha EXODUS tuanbia nih tehte a khan.Cucaah, profet Isaiah nih A tha a bami an kut tthawnter hna u law, A khuk a thermi cu thazaang pe hna u. A lung dongmi cu, Na thinphang hlah, Lungtthawng in um ko Pathian cu nangmah chanh awkah a ra lai, Na ral kha Na Phu A Hlam hna lai,” ti hna u, tiah a ti.

Cu cu nihin kan Dohthlennak caan ah kan i nunpi ve dingmi lungput a si.Kan phunhawi Pu Tler Ling nih Dohtlennak caah nunnak a pekmi thisen aw cu miphun caah DINNAK AUTHAWNG a si! BAWIPA nih zeitindah, zeibantuk sining hmang in le zei caan ah DINNAK caah Kan Phu a Kan Hlam piak lai timi ruahchannak cu thlau hlah u si. Moses nih zeitik caan ah dah BAWIPA nih teirul chamtu ah a ka dirter te lai timi cu a minung sinak in a hngal cia lo nain a phunhawi caah timhlamhnak a ngei pengmi phuntanh pakhat a si.

Cucaah kanmah pumpak pakhat cio hi BAWIPA nih phunhawi caah teirul chamtu dirhmun in hman ve a kan timh tikah kan i READY cio cang maw? BAWIPA nih, Dinnak kha ka duh i hremnak le thil tthalo tuahnak kha ka huat” a ti (Isaiah 61:8). @siapiraldo . justice for tlerling. What is happening in Hakha, စစ်အာဏရှင်စနစ်ကျဆုံးပါစေ. Credit: Hakha Campaign For Justice

Be the first to comment

Leave a Reply

Your email address will not be published.


*