PU TLER LING RUAK AN PE DUH HNA LO, HAKHA MIPI CHUAK USIH

PU TLER LING, FIRST MARTYR IN HAKHA: Pu Tler Ling (56) cu Hakha ah Laimi lakah MAH ralkap kut in a thi hmasa bik FIRST MARTYR a si. 2021 May 9 ni ah Ngauthutlang a lo ah rian a tuan lioah an va tlaihmi a si. Rungtlang ah an hren i 2021 May 11 ni ah a thi tiah a chungle an thanh hna. An hremnak in a thimi a si.

May be a cartoon of 1 person and text that says "Vengeance! Justice for Tler Ling Rest in Power!"

Cucaah kan miphun le Hakha khuapi kan lung a fak. Sualnak ngei lo mipi pakhat hremnak in a thih caah kan dihlak tein kan lungfahnak kan langhter caan a si.A ruak zong an kan pe duh rih lo. A ruak an kan pek lo ahcun an kan pek hlan lo, kan auhnawh hna lai. An kan pek a si ahcun upatnak sang bik he kan vui hna lai.Hakha peng mipi dihlak le vawleicung ramkip Laimi hna timh cia in um hna usih. An inn Cherry lam ah a chuak khomi paoh kan chuak hna lai.

May be an image of outdoors

A ruak thlah tikah ke in No. 1 thlan tiang kan kal lai i kirlei tu cu motor in a si lai. Thil nak i hruk cio hna usihlaw kan dihlak tein ruak thlah ah kan chuak hna lai. Ruak thlah caan cu a fian in kan in thanh than hna lai. Mithalo hna kut in thih cu a fak hringhran. Nang le kei kan caan zong a phan sual kho. Cucaah kan dihlak tein upatnak he ruak thlah asiloah ruak hal ah tang cio hna usih. Hakha Mipi. Credit: Hakha Campaign for justice

Be the first to comment

Leave a Reply

Your email address will not be published.


*