PU KAP DUN NIH TUNI AH HI VAWLEI NUNNAK IN MUAL AA KAN LIAMTAAK

Pu Kap Dun a nunnak aliam. Tuni July Ni 19 Falam ah covid zawtnak in Pu Kap Dun a nunnak aliam. Farthawk sangah a ummi Pu Kap Dun kum 93 cu Falam sizung ah covid zawtnak in a nunnak a liam tiah theih asi. Pu Kap Dun ruak cu Volunteer pawl le Khrihfabu lei ttuanvo ngeitu hna nih an vui tiah thawng thanhnak an tuah.

Covid zawtnak in Falam peng chungah a nunnak a liammi hna cu June 2 ah Pi Zing Rem Thluai (Kum 53) June 12 ah Rev. Piang Bik (Ramthlo- Kum 51) le Pi Khawfeli(Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38) June 16 ah Mai Lal Muan Kim (Kum 27), June 18 ah Pi Za Nawn Kai (Kum 79).

June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51).

June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44), July 2 ah Pu Hung Hleih (kum 46), July 5 ah Pu Thang Lam Kim (kum 40, July 7 ah Pu Martin Hniar Cung (kum 72), July 9 ah Rev. Philip Tlei Thuan (kum 63) le Pu No Lian Sang (kum 73), July 10 ah Pu Ronald Ci Hem (kum 75), July 11 ah Pi Thian Vel (kum 55) le Rev. D. Vai Lian Zul (kum 50).

July 12 ah Salai Cin Sum Bik (kum 29) le Pu Anselm Vung Suan Kham (kum 64), July 14 ah Pi Aye Sui (kum 50), July 15 ah Pi Sui Par (kum 70), July 16 ah Pi Țuan Kai (kum 63) le Pu Hai Hlei Thuan (kum 75), July 17 ah Pu Mang Tho (kum 60) le Pu Hniar Kung (kum 84), July 18 ah Pu Kap Dun (kum 93) pawl an siih Falam khuasung ihsin mi 32, Laikhua lam in mi 4 an thi cang i, zatekom mithi 36 an um cang tiah theih a si. Credit: Chinland Herald Daily News.

May be an image of fire and outdoors

Thawngpang dang: Ralhrang Kawlralkap lutlai Min Aung Hlaing nih thanhnak atuah tthan cang. Tulio zawtnak konghe pehtlaiin ralhrang kawlralkap lutlai Min Aung Hlaing nih thanhnak a tuahmi cu Covid zawtnak ruangah kawlram mipi harsatnak tuarmi chanhchuah dingin Covid kham nak sii a phan cang. Cun Oxygen zong ramdang in a rak lut cuahmah tiah a chim pin ah Arti kongah buai hlah uh ati rih.

Arti kongah aman akai lai tiah a timi tampi an um. Sihmanhsehlaw thinphan ding Arti kongah a um lo tiah a chim. Zeicaah tiah aliamcia kum ruk kum sarih in khan biatak tein Ar kan zuatter cang hna i, Arti kongah cun thinphan ding pakhat hmanh a um lo. Atu ah hin kawlram minung 1.6million tluk nih covid khamnak sii an i chun cang i, pehzulh dingin timhtuahnak kan ngei tiah a chim rih.

Aralai dingmi tuthla ni 22 ah Covid khamnak sii Tuluk ah kan cahmi ting sarih renglo a rak phan lai i, July ni 23 le 24 zongah pehzulh in covid khamnak sii a phan rih lai. Rampi minung 50% cu tukum chungah covid khamnak sii an i chun khawh dingin kan i zuam. Oxygen zong ramchung ah biatak tein kan tawlrel cuahmah i Thailand le Tuluk zongin a rak lut cuahmah tiah a chim.

Hi konghe pehtlaiin ralhrang kawlralkap hna nih thawngthanhnak an rak tuah cang. Covid khamnak sii Tuluk ah an cawk mi hi minung caah ttih a nung ngaingai mi sii a si i, Tuluk sermi covid khamnak sii hi vawlei pi nih a cohlang lo lawng siloin Tuluk sermi sii chunh ruangah minung tampi an nunnak a liam cang tiah an rak langhter. Tutan ah Min Aung Hlaing nih a chimmi hi zumh awk a tlak hnga maw tiah minung tampi nih an lunghrinh.

Be the first to comment

Leave a Reply

Your email address will not be published.


*