A LAWYER NIH A RUAK KONG A LANGHTER, RALHRANG RUANGAH

U Nyan Win ruak cu Yangon siizungpi program ning in vui asi lai. Covid 19 ruang ah Yangon siizungpi ah a thimi NLD party a lulei U Nyan Win I a ruak cu Yangon siizungpi program ning in vui ding in timhtuah nak kan ngei tiah a lawyer pa nih a chim. U Nyan Win cu thongchung ah an chiah lio ah Covid nih a tlak nak hi asi I tuni July ni 20 zinglei nazi 9 hrawng ah a thi tiah theih asi.

Saya pa a thih cang caah hin ralkap lei nih အမှု an phunh mi cu a dih cang ti nak si ko tiah U Nyan Win lawyer pa nih cun a chim. U Nyan Win cu Febuary ni 1 ah khan tlaih a tong ve mi asi I CRPH cu ka cohlan I ka dirkamh tiah ca chuah mi kong he pehtlai in ralkap lei nih pohma 505 in taza an cuai tiah a chungkhar pakhat nih facebook ah a tial.

U Nyan Win cu a thih ah kum 79 asi cang I zawtnak dang pawl a ngei mi asi tiah theih asi. Thong chung ah Covid nih a tlak I July ni 11 ah Insein thawng in Yangon siizungpi ah an thial I a ni 9 nak ni ah a thih hi asi. U Nyan Win cu Aung San Su Kyi inn thong ah thlak a rak ton lio zong ah Su Kyi caah shihni a rak lak piak tu asi.

Thawngpang relchih: Tuchun Kalaymyo ah covid zawtnak in minung 13 an nunnak aliam. Tuni July 20 ah covid zawtnak in minung 13 an nunnak aliam tiah theih a si. A nunnak aliammi chungah minung pahnih ruak cu Christian thlaanmual ah vui a si tiah an langhter. Tuthla chung July nikhat in atutiang ah covid zawtnak in a nunnak aliammi hna cu a tanglei bantukin an si.

Ni 1 sun mithi 26, Ni 2 sun mithi 27, Ni 3 sun mithi 33, Ni 4 sun mithi 27, Ni 5 sun mithi 27, Ni 6 sun mithi 42, Ni 7 sun mithi 29, Ni 8 sun mithi 22, Ni 9 sun mithi 25,Ni 10 sun mithi 33, Ni 11 sun mithi 24, Ni 12 sun mithi 13 ,Ni 13 sun mithi 13, Ni 14 sun mithi 28, Ni 15 sun mithi 28, Ni 16 sun mithi 18, Ni 17 sun mithi 12, Ni 18 sun mithi 22, Ni 19 sun mithi 9, Ni 20 sun mithi 13. Zapi in a nunnak aliammi hi 461 an si. Credit: Zalen

Be the first to comment

Leave a Reply

Your email address will not be published.


*