NGAIHCHIATNAK THAWNG, FALAM AH MINUNG PAHNIH AN THI TTHAN

Falam ah COVID-19 in Minung 2 an Thi Chap. Nihin (July 1) ah Falam khua ah COVID-19 zawtnak in kum 63 a simi nu pakhat le kum 44 a simi pa pakhat an nunnak a liam. June thla thawh in atu tiang ah Falam ah COVID-19 in minung 19 an nunnak a liam cang. Nihin ah Tedim khua zong ah COVID-19 zawtnak in minung 6 an nunnak a liam. TCJ

No photo description available.

Kalaymyo thilcang: Thlakhat chung June nikhat in ni 30 tiang Kalaymyo ah minung 270 an nunnak aliam tiah theih a si. A nunnak aliammi chungah minung 168 hi pa an si i, minung 102 hi nu an si. Anunnak aliammi chungah Pathian rianttuantu Revd minung 19 an i tel i, RC Father minung pathum an si. Athimi hi kum 28 in kum 40 karlak an si hna.

Kum dang ahcun thlakhat chung ah hin minung 70 in 80 hrawnghrang hi a nunnak an liam tawn. Asinain tuthla chung cu a nunnak aliammi an tam ngaingai. Hi chungah hin Christian Thlanmual lawngah vuimi lawng rel a si. Kawl pawl le biaknak dang pawl cu mi tlawmte an si hna. Christian thlan man hi a hlan ahcun tingkhat a rak si nain June ni 25 in thonghra an kai ter i tingkhat le thonghra a si cang. Asinain hihi hmailei ah hman peng ding tinak a si lo tiah nawlngeitu nih a chim.

Ahnu Bik Suu Kyi Kong:Aung San Suu Kyi konglam cu ruahning le timhning bantuk in fawite in dih khawh dawh asi ti lo. Ralhrang kawlralkap nih an thluak an chuah tthan cang. Ralhrang kawlralkap hna nih Aung San Suu Kyi tazacuainak kongah tehte dang auh tthan an timh tthan ruangah Aung San Suu Kyi tazacauinak cu tuan ah dih khawh asi ti lai lo tiah a SIHNI Khin Maung Zaw nih a chim. Aung San Suu Kyi cu ralhrang kawlralkap hna nih case a phunphun in taza an cuai. Asinain taza an cuainak hi July thlachung ah cun a dih ko lai tiah an rak zumh mi a si.

Sihmanhsehlaw ralhrang kawlralkap hna nih tehte minung 23 auh tthan an timh caah ruahning le timh ning bantuk in thil a kal ti lai lo, a rau ngai te ko lai tiah a chim tthan. Ralhrang kawlralkap hna nih Suu Kyi an tlaih hnu ah a sihni hna le biaceihzung a chuah lawngah a mui hmuh khawh asi. A hnu bik biacaihzung an chuahpi lio ah ralhrang kawlralkap hna nih tehte minung pali an auh hna.

Ralhrang kawlralkap hna nih Suu Kyi sual apuhmi tampi chungah abiapi mi cu nikum thimnak tuah lio ah covid zulhphung a buar.Cun ramdang in walkie talkie a inn ah aichiah ti a si. Culawng siloin phungning loin sui le ngun ziknawh alak tiah sual an puh. Aung San Suu Kyi sual an puhmi ah apalh bak tiah an ti asi ahcun a tlawmbik kum 10 thongthlak khawh asi. A hnu bik biacaihzung a chuah lio ah Suu Kyi cu angandamnak zong attha mi a lo ko tiah an chim.

Be the first to comment

Leave a Reply

Your email address will not be published.


*