MINUNG FA CELH DING SILO, RALHRANG NIH A KUT DONG AN KHIAH DIH

Chaung Oo khua I ralkap duhlonak langhternak ah mipi hruaitu asi mi mino cu စစ်ဆေး‌‌ရေး‌ ah serhsat a tong. Sagaing region Chaung Oo khua I ralkap duhlonak langternak ah mipi hruaitu asi mi Ko Man Za May Mon cu a luancia mi June thla ni 8 ah ralkap nih meithal in an kah in an tlaih tiah theih asi. Cutin an tlaih hnu thlakhat a rauh hnu tuni ah Monywa thawng chung biaceih zung ah an chuah pi.

Ko Man Za May Mon cu pohma 505 in a hmuh an phunh tiah a lawyer pa nih cun a chim. Ko Man Za cu an rak tlaih lio ah Chaung Oo palik sakhan ah a hmai cu puan in an tuam I palik minung 20 hrawng nih a tang le a keng ah an lamh an chuih len. Cun mawtaw cung an khin zong ah a kut an tem I ralkap pawl nih an ken in an lamh I an kal pi tiah a chungkhar hna sin in theih asi.

စစ်ကြောရေး ah an check lio zong ah a kut thei pawl cu an khiah piak I a fah tuk caah a au I a au ah cun a ka chung ah kedanh an hrawlh tiah chungkhar lei nih an chim chap. Dai tein duhlonak a langhter mi minung cu tlaih in hi bantuk in tuah hi minung thil tuah dan hrim si loh tiah Ko Man Za a pa nih a chim. A ralai mi July ni 14 ah zung ah chuah pi than a si lai tiah theih asi.

No description available.

Thawngpang dang: SAC ralkap nih rian an pek mi khuabawipa le a mah he lakphak dawr ah a thu mi minung 3 meithal in kah an tong. Bago region Mon sang ah tuni July ni 10 zinglei nazi 7 hrawng ah ralkap lei nih rian an khinh mi khuabawi U Thaung Ngwe le a mah he lakphak dawr ah a thu ti mi minung 3 hna cu meithal kah an tong tiah theih asi.

Meithal kahnak ruang ah U Thaung Ngwe le U Thun Tun Oo cu a hmun ah an thi I a dang pahnih hna cu an hnakhaw le an ban ah hma an pu tiah theih asi. A thi mi U Tun Tun Oo cu ralkap nih pek mi zei rian hmanh a lak mi asi lo I mipi sawh sawh asi tiah a chungkhar hna nih an chim. Ka vapa cu lakphak dawr ah a thu bal mi zong si lo.

Tuzing cu khuabawi pa nih a rak sawm caah a va kal nak ah hi tiin kah a ton hi asi.Khuabawi pa he a thut ti ruang ah maw an kah si lo le accident in an khen sual mi maw asi ti zong kan thei lo. Kan mah cu leikuang ah a um peng mi kan si. Eidin kan hartuk caah khua chung ah kan vun um ah hi bantuk in kan ton hi asi.

A tu cu fa minung 9 he a kan tantak cang tiah U Tun Tun Oo nupi nih BBC ah a chim. Kahnak a caan hnu tlawmpal ah ralhrang kawl ralkap pawl an rak phan i check hlai nak pawl an tuah len. A thi mi ruak pawl cu chun hnu ah phum ding in timh tuah nak kan ngei tiah tantak mi innchungkhar nih thawngzamhnak ah an chim.

Be the first to comment

Leave a Reply

Your email address will not be published.


*