MIN AUNG HLAING RUANG LAWNGTE AH ASI KO, AN TAMTUK

Mithat Lainawng Min Aung Hlaing ruangah ralzam an tamtuk cang, Ralhrang nih nawlngeihnak an lak thok in tutiang ah ralzam hna hi minung tinghnih renglo an si cang tiah an chim. Hi konghe pehtlaiin RFA nih a langhter ning ahcun ralhrang kawlralkap nih cozah uknak an lak hnu ah ralhrang le mipi kilvengtu i kahnak ah a chuak.

Ralhrang kawlralkap hna nih cunglei he tangle he an kah hna i, hriamnam phuntling an hman. Hi kahnak ruangah ramtthen pahnih le ramkulh panga chungah ralzaam hi minung tinghnih le thong 30 hrawng an si cang tiah an thanh. Kayah ramkulh ah ralzaam hi tingkhat renglo an si i, Kachin ah thong 14 hrawnghrang ralzam an si.

Cun Shan ramkulh North ah thong 20 renglo an si i, Southern ah ralzaam hi thong 14 hrawnghrang an si. Cun Karen ramkulh ah ralzaam hi thong 60 hrawnghrang an si i, Chinram chungah ralzaam hi thong 15 renglo an si i, Sagaing ramtthen ah ralzaam thong 15 renglo an si i, Magway ramtthen ah thong 10 renglo an si tiah an langhter.

Hi konghe pehtlaiin kan hnu zarh June 2 ah UNOCHA nih thanhnak an tuahmi cu May 31 tiang list kan lak khawhmi ahcun Kachin le Chin ramkulh tel loin tukdohnak ruangah ralzaam hna hi minung tinghnih hrawnghrang an si cang tiah an rak langhter. Ralhrang kawlralkap nih hramhram in uknak an lak hnu ah hmunkip kaa kip ah tukdohnak a chuah caah ralzaam hi an tam chin lengmang te lai tiah zumh a si.

Ral Zam Minung 500 Renglo Ei Din Awk An Ngei Tilo Bawmtu An Herh -

Thawngpang dang:Ralhrang pawl nih Mindat ah an tlaihmi hna minung 20 rawl loin an chiah hna. Mindat ah ralhrang kawlralkap ruangah a zaam mi hi minung thonghra renglo an si cang. Ei le din kongah lungrethei ngaiin an um tiah theih asi. Cu lawng siloin ralhrang nih an tlaihmi hna khuami minung pahra hna cu rawl zong an pe hna lo tiah theih a si.

Ralhrang kawlralkap le Mindat CDF an i kah lengmang caah khuami minung tampi hna cu hmunhim ah an zaam hna. Azaam mi hi minung thonghran renglo an tling cang. Cun khuami an tlaihmi 20 hna cu rawl loin an chiah hna pin ah an tuk an velh hna tiah an chim. Mindat ralzaam hna cu hmun 18 ah an um hna, Bawmhchanhnak lampi ah ralhrang pawl nih an kham ruangah harsatnak an tong tiah nawlngeitu pakhat nih a chim.

Ruah a sur pah lengmang caah buuk siseh, ngandamnak lei ah siseh aharhmi tampi a um i, an harsatnak zong a zual ngaingai ko tiah a chim. Mindat ah ralhrang kawlralkap le MINDAT CDF i kahnak hi aliamcia April 24 in a rak i thok. Cun May ni 13 hnu in tuni tiang i kahnak pehzulh peng asi. Ralhrang hna nih hriamnam nganngan an hman ruangah mipi an i dornak zong a hrawhmi an um len ti asi.

Culawng siloin ralhrang kawlralkap hna nih tlaih dingin minung an kawl lengmang hna caah khuami hna cu hngakchia in upa tar tiang an zaam hna. Hi konghe pehtlaiin palek sakhan ah an chiahmi khuami hi minung 20 renglo an si rih, Rawl zong an pee hna lo, Nikhat ah cencerh voikhat te lawng an pek hna. Cu zong cu an ei lonak hi nihnih renglo asi cang i, ti lawng an ding tiah minung pakhat nih a chim.

Ralhrang kawlralkap le CDF i kahdohnak Mindat peng, Shwe Aung Tha (ရွှေအောင်သ), Mae Le Kone (မယ်လယ်ကုန်း), Yhaat (ယှက်), Chaungzon (ချောင်းဆုံ) le Pagoda camp (ဘုရားစခန်း) ah hin CDF lei in minung 22 an nunnak aliam cang. CDF nih ralhrang kawlralkap lei an kahthah mi hna hi a tlawmbik minung 200 cu an si cang lai tiah tthenkhat an nih chim ve.

Be the first to comment

Leave a Reply

Your email address will not be published.


*