LUNGHRINH IN AN TLAIHMI NUN SI FAK IN RALHRANG AN THAH

Dalan Hnin Hnin Win a tiah ralhrang kawlralkap hna nih lunghrinh in an tlaihmi minung pahnih chungin pakhat cu an thah hna tiah an langhter. Hi konghe pehtlaiin khuami pakhat nih a chimmi cu Dalan Hnin Hin Win akaptu hi ahodah a si timi fiangtein theih a si lo. Asinain lunghrinh in minung pahnih hna cu an tlaih hna i, Taungtha Sakhan ah an kalpi hna.

Taung Sakhan ahcun an hrem. An hremning a fah ruangah an hraam thawng hi lampi in kan theih khawh. A hnu ah ralhrang kawlralkap hna nih a thi tiah thanhnak an tuah i, an thih hnu lawngah sizung ah an kalpi tiah DVB thawngzamhnak ah a chim. June ni 13 ah Dalan Hninhin Win cu Mandalay ramthen Myin Kyan, Taungtha khuapi ah a ho ti theih lomi minung pahnih nih meithal in an rak kah.

An kahnak hliamhma a fah caah a dirhmun attha lo i, Naypydaw sizung ah an kalpi. Atu zong Oxygen pek chom in a um tiah an chim. Hi kahnak konghe pehtlaiin ralhrang kawlralkap hna nih pawngkam a ummi hna cu biahalnak an tuah hna i, cu ahcun minung pahnih hna cu lunghrinh in an tlaih. Kanmah kan si lo tiah an chim peng nain ralhrang kawlralkap hna nih faktuk in an hremnak ah minung pakhat a thi tiah an chim.

No description available.

Thawngpang dang:Rohingya hriamtlai an thinhung cang. Fiang ko in thanhnak an tuah. Kawlram buainak kongah vawlei kil tiang a culmi cu Rohingya kong hi a si. Rohingya cu NUG cozah nih rammi sinak kan in pek hna lai tiah bia an rak beuh hna. Asinain Min Aung Hlaing nih rammi an si lo tiah Tuluk thawngzamhnak ah a chim. Cu ruangah Rohingya hriamtlai nih thanhnak an tuah.

Rohingya ralbawi nih a chimmi cu keimah Bohmu Kyaw Zin Htun nih Rohingya Solidarity Organization (RSO) min in kawlram mipi le Rohingya mipi vialte nan kut kan tlaih hna. Ralbawi Min Aung Hlaing nih May ni 20 ah Tuluk thawngzamhnak ah Rohingya miphun cu Kawlram ah an lo i, Pakistan rammi Bangali an si tiah a chim.

Rohingya miphun cu amah nih a cohlan lawngah Ramchung ah umnak nawl pek an si lai tibantukin a chim. Hibantukin kan konglam a chimmi hi kan cohlang lo. Min Aung Hlaing cu vawlei cung ralkap uknak hruaitu dang bantuk siloin mihlen hmang, mitthalo asi tiah min kan pek. Asualtuk caah hmailei zongah Rohingya miphun hna cu a thah rih hna lai tiah alanghter.

Hi bantuk minung nih ram a hruai ah cun a rawk colh lai. Tuluk thawngzamhnak ah a chimmi hi kan cohlang hrimhrim lo. Kawlram ah umnak hmun kan ngei bangin pawngkam a ummi zong he buainak a ngei lomi kan si. SIhmanhsehlaw Min Aung Hlaing ruangah kan vakvai dih. Cucaah Min Aung Hlaing nih a chimmi a let tthan lo a si ahcun thil acangmi ah mawhphurhnak angeitu asi lai.

Kanmah kan dirhmun ngah khawhnak dingah hriamnam tleih dingin biachahnak kan tuah cang. Kahdohnak cu RSO nih a hruai lai i, Rohingya miphun vialte nunnak thaap in kan tukdoh cang hna lai. Kahdohnak a chuah hnu ahcun fawitein a dong lai lo. Atulio ah ralhrang kawlralkap a dohtu minung an tamtuk cang, nan tuar ngaingai lai tiah a chim.

Tuchun ah thanhnak a tuahtu RSO timi Rohingya Solidarity Organization hi a liamcia kum 1982 ah rak dirh mi a si. Cu hnu ah hriamnam tlai Rohingya National Army zong a liamcia kum 1998 ah an rak dirh. Kawlram le Bangladeh ramri ah umhmun an khuar i May ni 12 kum 2021 ah ralhrang kawlralkap hna he voikhat an rak i kap cang. Cu an i kahnak ah ralhrang kawlralkap minung pali an nunnak aliam i, anmah lei minung pakhat a rak thi ve.

Be the first to comment

Leave a Reply

Your email address will not be published.


*