LUNG A HRING, LAITLANG AH RALHRANG HELICOPTER TAMTUK A TTUM CANG

Tulio ralhrang kawlralkap pawl Chinram chung hmunkip ti awk ah atu le tu ti awk in helicopter an ttum lengmang mi hi thil pakhat khat cu tuah an timh lai timi a fiang ngaingai. A liamcia tuan deuh ah ralhrang kawlralkap pawl Helicopter Laitlang hmunkip kaa kip ti awk an rak ttum i, caan hmanh a rauh hlan ah kahdohnak a rak zual ngaingai.

Tutan zong nizan he tuni he Laitlang khuapi tthenkhat ah ralhrang kawlralkap Helicopter an vun ttum ngaingai cang. Tuni zanlei zongah Kanpelet ah ralhrang kawlralkap helicopter a ttum bak. Tuzan lei helicopter a ttummi hi a rauh hlan ah a kir colh. Falam tthiamthiam zong ah helicopter cu nikhat lawngah voili attum tiah an chim.

Hi konghe pehtlaiin nizan zongah ralhrang kawlralkap helicopter cu Chinram kulh Tonzang ah a ttum hoi cang. Tonzang i ralhrang helicopter a ttummi cu hriamnam pawl a rak chia hna tiah thawngpang theih asi. Asinain Falam le Kanpelet ah a ttummi helicopter hi zeidah a rak chiah i, a rak phurh timi theih asi. Asinain hriamnam ttheu asi lai tiah mipi ruahnak a um.

May be an image of tree, mountain and sky

Thawngpang dang:Hmunhim an phan cang. Sagaing ramthen Kalay hrambunh mi Regional Operation Command (ROC – ဒကစ ကေလး) kut tang ralhlang 20 an zaam ruangah ralhrangbu nih fak piin an kawl cuahmah hna tah theih a si.Hi kong he pehtlaih in Kalay PDF chungtel pakhat nih ‘venhimnak caah tiin August 31 zinglei suimilam 6/7 hrawngah Thauhkyat (ေထာက္ႀကံ့) le Sitar (စည္သာ) khua pawngah an rak chiah hna mi chungin 20 an zaam.

Kan sin ah pehtlaihnak an rak kan tuah i, tuan ahcun kan zum lo nain, ralhrangbu tampi helicopter he, vawlei lei he an kawl mi kan theih hnu lawng ah kan zumh mi a si tiah a chim.Kalay khuami pakhat nih a chim ningah mawtaw he helicopter he Kalay thlanglei vialte an cul dih.Tuan ahcun PDF pawl an kawl hna rua tiin kan ruah ko.A zaammi hna hi atu cu hmunhimnak an phan cang tiah Khit Thit Media ah a chim. CDM ralkap hna nih an chim ningah ralhrangbu a chuahtak i CDM a tuah mi ralkap 2000 hrawng an si cang tiah theih a si. TCP

Be the first to comment

Leave a Reply

Your email address will not be published.


*