LUNG A FAK HRINGHRAN KO. SALAI VAN THA CUNG RUAK CU A RUH TE LAWNG AN VUI

Lung a fak ko. Salai Van Tha Cung ruak cu a ruh ro te lawng an vui e. Kalaymyo Thet Oo Thi Da sang ah a ummi, June 25 ah ralhrang kawlralkap hna nih pafa hna an tlaihmi Salai Van Tha Cung cu ralhrang kawlralkap hna nih covid zawtnak in a nunnak aliam tiah chungkhar hna sin ah thanhnak an tuah pin ah chungkhar hna cu a ruak lak cu chim lo a ruak zohhmanh an sianh hna lo.

Ralhrang hna nih Salai Van Tha Cung ruak cu an khangh hnu ah a ruak ruh pawl cu chungkhar hna nih an lak hnu ah Christian thlaanmual ah an vui tiah theih a si. Thil sining cu hitihin a si. June ni 25 suimilam hlei hnih le pakhat karlak ah Salai Van Tha Cung kum 25 mino te cu hringtu a pa rianttuannak ah ralhrang kawlralkap hna nih an tlaih.

Caan tlawmpal a rauh hnu suimilam pahnih hrawngah hringtu a pa cu an inn hmai ah ralhrang kawlralkap hna nih an tlaih ve. A zan lila ah an pafa in an um ko i, a vuak zong kan vua hna lo tiah ralhrang kawlralkap hna nih cun an chim. Athaizing June 26 ah hringtu an nu Salai Van Tha Cung a nu nih an thawngpang dottlet nak tuah dingin a ka val kal hnawh hna.

A hmunhma hmanh a phak hlan ah ralhrang kawlralkap hna nih chungkhar hna cu phone in an chawnh hna i ralkap sizung ah rak ra ta uh tiah an ti hna. An va phak tikah cun na fapa hi covid zawtnak in a nunnak a liam tiah an rak ti diam. A nu nih cun ka fapa ruak cu zoh ka duh tiah ati hna i, a hmai te lawng an zohter. Aruang cu covid asi caah zoh angah lo tiah an rak ti rih.

May be an image of one or more people, people standing and outdoors

Thlaanmual ah na zoh te lai tiah an rak chimh tthan. Ralhrang kawlralkap hna cu hmai ah an kal i hringtu a nu le a pu an phak hlan ah Salai Van Tha Cung ruak cu an rak khangh manh. Aruhro zong laknak nawl an pe ti hna lo i, tuni lawngah laknak nawl an pek hna tiah an langhter. Hi konghe pehtlaiin minung pakhat nih a chimmi cu a tanglei bantuk in a si.

Salai Van Tha Cung ruak hi inn zong a phan lo. Thlaan mual zongah hringtu a nu le zong an hngak hna lo i, a ruak cu an rak khangh. A mui hmai te lawng zohter nak an tuah hna i, an vuak nak hma a taksa zong zohter an sianh hna lo. Hringtu a pa zong atu tiangah an thlah rih lo tiah a chim. Leirawitu hna nih an inn tiang a hruai hna nain mizei asi timi an ka theih sual lai timi aphan ruangah a zam tiah sang mi hna nih an chim.

Be the first to comment

Leave a Reply

Your email address will not be published.


*