LAWMHPI CIO HNA USIH, HLA PHUAH THIAM BIK LAKSAWNG AA KAN HMUH PIAK

Lai Lungrawn ti mi hlaphuahtu Pu Phun Lian Cung nih CYONA 2021 Hlaphuah Thiambik laksawng a hmuh. September 7, Lai Mino lak ah hla-bia le hla-aw in a rum mi hlaphuah thiambik pakhat kan ngeih mi, “Lai Lungrawn…” ti mi hlaphuahtu Pu Phun Lian Cung nih CYONA 2021 Composer Award a co tiah kan theih. Mizapi nih kan hngalh khawh nakhnga, “Lai Lungrawn…(Asatu Hlawn Sung), Lung a leng e…Christmas caan hung chuah cun….(hlasatu Sui Hlawn Rem),

Chin Ram Caah Chinmi…(Asatu Mercy Haling Awi), Pathian Dawtmi, Tangka tibantuk le a bik in Van Hmun Lian (tleicia) nih a sak mi hla pawl in mizapi nih hun hngalh khun mi a si. Kaa lawm tuk. CYONA cung hrimhrim ah kaa lawm. Hlaphuahthiam tampi lak ah keimah theng an vun ka thim. Kan hla kha a aw he, a bia he tawlreltu (Judge) sin ah a phan i Laimi Kan Iang A Cuang Khun, ti mi hla in atu Award an ka pek mi hi a si.

Pathian nih an riantuannak ah thluachuah za he lamhruai chin ko hna seh, kaa lawm tuk,” tiah The Hakha Times ah a chim. Amah hi minote a si rih nain hla fung 1000 renglo (adikfel in a ka chim kholo) a tialtu a si i Lai mino hlaphuahtu lak ah hla-bia in siseh, hla-aw in siseh a rum taktak mi hlaphuahthiam kan ngeih mi pakhat a si.

Tutan CYONA nih Composer Award an pek mi hi “Laimi Kan Iang A Cuang Khun,” ti mi hla in laksawng an pek mi a si, tiah kan theih. Pu Phun Lian Cung cu hlaphuahthiam a sinak kong he pehtlai in Khrihfabu nih siseh, Zaatlangbu nih siseh, upat peknak roca, conglawmhnak le vohthau thahpiaknak tibantuk tiang in an rak conglawmh bal mi a si. Atu hi Hakha Immanuel Baptist Church ah caantling in rian a tuanlio mi a si. Credit: The Hakha Times.

Thawngpang dang: Kaya ramkulh (Kayinni) Demawhsu khua palik riahbuk cu Kayinni phu fonh nih doh in an lak khawh tiah khuachung thawngzamhnak nih an langhter.Kayinni ramkulh Loikaw-Demawhsu lam thluan ah ralhrang phu hna le Kayinni phu fonh hna cu nihin September 7,zaanlei ah kahdohnak a chuak, DawPoeSi khua,

Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i zaanlei suimilam 7:00 tiang pehtlai in kahdohnak a chuak tiah theih a si. TCP

Be the first to comment

Leave a Reply

Your email address will not be published.


*