LAKSAWNG AH TING 15 BAK RALHRANG NIH PEK AN TIMH CANG HNA

Dalan pawl cu Ting 15 laksawng pek nan si lai tiah ralhrang phu nih an thanh hoi cang. Ralhrang dohkalh in cawlcanghnak a tuahmi paoh kan sin ah thawngpang nan rak pek hna asi ahcun laksawng ah ting 15 kan in pek hna lai tiah an thanh. Tuan deuh ahcun tingnga pek nan si lai tiah an rak ti i, thawngpang nan pek mi zoh in tingnga leng zong pek khawh asi lai tiah kan hnu te ah thanhnak an tuah.

Hi konglam ruahnak a chuahtu hi U Thein Ngut le Man Nayin Maung le U Khin Maung Shwe, cun Jeng Phang Naung Taung le Daw Aye Nu Sein, U Sai Lon Sei, Dr. Banyar Aung Moe le U Shwe Chein hna an si. An mah pawl nih Dalan laksawng pek dingin ralhrang lutlai Min Aung Hlaing sin ah halnak an rak tuah. Abik in ralhrang hna nih an i tinhmi cu NUG le PDF pawl konglam theih an duh caah asi tiah an chim.

Hi konghe pehtlaiin naite ah ralhrang kawlralkap lei a ttangmi hna nih PDF pawl le CDF hna cu nan hriamnam chia ulaw rak i pe uh, nan hriamnam nan chiah hna lo ahcun nan ci kan hmih hna lai tiah an rak hrocer cang hna. Ralhrang hna nih an duhning in thil an kalpi khawh ti lo caah atu bantuk in lam an kawlnak hi a si tiah minung tamoi nih an langhter.

May be an image of 1 person, sitting and indoor

Thawngpang dang: PDF nih hi kongah biafiang an langhter. Pauk peng Bomb puahnak ah Ralhrang 7 an thi Pauk peng Pintawng khua le Wunchung khua kar ah ralhrang hna cu nizan zanlei suimilam 3 hrawngah bomb in an puah hna i ralhrang 7 an thi, tam ngai hma an pu tiah theih a si.Khuami pakhat nih a chim ningah ‘zaanlei sang suimilam 3 hrawngah lam ah an kamhcia mi bomb in an puah mi a si.

Ralhrang pawl A thi mi ruak he hliamhma a pu mi hna he tractor ah an khin i an phorh mi ka hmuh’ tiah a chim.

Ralhrangbu hriamnam le ralkap thilri sernak (ကပစ) Seikphyu le Pauk in ralhrangbu 40 hrawng Launcher, RPG le hriamnam ngan he raltuk dingin an rat lio ah an puah mi a si tiah khuami nih an chim. Bomb a puah tu hna hi Pauk PDF (PPDF) an si tiah PPDF thawngthanhtu sin in theih a si tiah DVB news nih a tial.TCP

Be the first to comment

Leave a Reply

Your email address will not be published.


*