KIA NIH RALHRANG MOTOR NIHNIH CHUNGAH AN THUATMI ZAT AN LANGHTER

Ralhrang kawlralkap motor voi sarih tiang an tthuatnak kong thanhnak an tuah. Hi thil a cannak hi hmun pakhat lawng asi. Hi konghe pehtlaiin thanhnak an tuahmi cu Shan ramchung ah nihnih te lawngah ralhrang kawlralkap motor cu voi sarih khengte kah a tong tiah thanhnak an tuah. Shan ram chaklei Kuatkhai khua Pyithawngsu lam pi ah ralhrang kawlralkap lei datsi le diesel a rak phur mi mawtaw 7 cu KIA lei nih an kham I an kah tiah theih asi.

No photo description available.

Hi konghe poehtlaiin KIA lei nih thanhnak an tuah mi cu Zahan zinglei ah ralhrang kawlralkap mawtaw 6 kan kah i, tuzing ah pakhat kan kah tthan. Ralhrang kawlralkap mawtaw kan kah piak mi hna hi voi 7 asi cang tiah KIA lei thawngthanhnak nawlngeitu Buhmugyi Naw Bu nih a chim. Kuatkhai khua pawng ah tuzing nazi 7 le cheu hrawng thok in ralkap le KIA cu nazi pakhat chung an I kap tiah theih asi. Man Si khua ah ummi Man Win Lay le Hein Tay pawng hna ah ralkap lei nih hriamnam ngan hman in KIA he an I kap len I ralkap lei nih hriamnam ngan an hman len tiah theih asi.

May be an image of outdoors and text that says "REDMI NOTE REMNOE8 8 AI QUAD CAMERA"

Thawngpang Dang Relchih:Daih Oo ah Ralhrang Kawlralkap nih an kah ruangah a thi mi U Aung Kyaw Moe a ruak cu chungkhar inn a phan cang.Paku region Daih Oo peng ah tuni zanlei ah Myothit sang ah a ummi U Aung Kyaw Moe cu ralhrang kawlralkap kah nak ruang ah a thi tiah theih asi. May thla ni 17 zan nazi 7 hrawng ah khuachung ah ralhrang kawl ralkap lei nih mipi cu kah hram an thok hna.

Cuti i, ralhrang hna nih an kah hna ruangah Myothit sang ummi mipi minung 3 an zam hna.Ralhrang pawl nih a zammi hna cu an hmuh hna i, an dawi hna I an kah len hna tiah theih asi. Tuan deuh zongah Daih Oo khua chung ah bomb a puak I mah hnu cun ralhrang kawlralkap lei nih khuami cu an buai hnawh peng hna. Cun ralhrang hna nih zan ah chuah lo dingin thanhnak an tuah hlan zong ah an kah rih hna ti asi.

Tutan ah a nunnak a liammi U Kyaw Moe zong a mah tein lam ah a chawk len lio ah meithal thawng a theih caah rianrang in a tli. Cu a tlik lio ah meithal in an kah I a kut le a ke ah an khenh. A thi tamtuk a chuah caah a nunnak aliam colh tiah khuami pakhat nih a chim. U Kyaw Moe cu a nupi le a fa le he Myo Thit sang ah a um mi an si.

Be the first to comment

Leave a Reply

Your email address will not be published.


*