KHAH, PU NO THAN KAP NIH FIANTERNAK A TUAH COLH CANG

Pu No Than Kap nih fianternak a tuah colh. Pu No Than Kap nih mipi sin ah theihfiannak a tuahmi cu CNLD in keimah pumpak cun March ni 31 ah rian kai din cang nain tulio boruak konghe pehtlaiin EC in ka chuahnak ca an hmuh lo caah party chungtel ah an ka ruah. Tuchun i UEC meeting ah hin CNLD min in ka kai mi a si lo. Rianttuan konghe pehtlaiin Naypyidaw ka um lio asi caah ttuanpi hawi kut ka va tleihmi hna asi. Atanglei ah amah nih attial ning tein kan vun langhter.

Pu No Than Kap; CNLD Kan Tlaihtleng Cu Tlukrualnak Le A Dikfelmi Federal A  Si - THE CHINLAND POST

SIMFIANGNAK. CNLD ihsin keimah bulpak cun March 31, 2021 ah ka cawl zo na’n tulai boruak thawn EC in ka “suahnak ca” an hmukim loih party sungtel vekah in ruat hrih. Tusun ih UEC meeting khal CNLD hmin in ka kai lo, hnațuan thudang thawn Naypyidaw ka thlen laifang a si ruangah țuanpi rualpi pawl ka va cibai phah men mi sawn a si. Credit: Pu No Than Kap.

Myanmar: Election Commission Lacks Transparency | Human Rights Watch

Thawngpang Dang Relchih:Pyi Khua Computer sianghngakchia pakhat le mipi 3 hna cu ralkap nih an tlaih hna. Pyi Khua I Computer sianginn a kai lio mi sianghngakchia pa pakhat le mipi 3 hna cu ralkap May thla ni 19 zinglei 9 hrawng ah an tlaih hna tiah thei asi. Ko Bung Htun Myint Myat le a hawipa cu zinglei khuacung ah cycle in an I chawh lio ah civil form a hruk mi ralkap cycle nih an hnu lei in an dawi hna I an dir ter hna.

Biahal kan in duh hna caah dir uh an ti hna tiah a luat manh mi an hawipa pakhat nih a chim.Ko Bung Htun Myint Myat an tlaih hnu chun nazi 11 hrawng ah Ko Aung Phyo Htet, Ko Htun Lat le Ko Hein Myat hna zong tlaih an tong tiah theih asi. Ralkap lei nih thawng an thanh nak ah cun hi hna 4 nih bomb an ser I khua cung ah an puah caah tiin thawng an thanh.

TV ah an 4 ning in an lang I fak tuk in vuak in biahal an tong ti a fiang. An hmai zong a phing dih tiah a luat manh mi an hawipa nih cun a chim. May thla ni 19 ah Pyi khua I USDP party zung le a dang hmun 3 hna ah bomb an rak puak len caah ralkap lei nih hi tiin mipi puh in an kawl len hna nak hi si. Ralkap nih mipi nih an ser an ti mi tumi meithal le drone pawl hna cu a hmuh hmanh kan hmu bal lo tiah an hawipa nih cun Mizzima ah a chim.

Be the first to comment

Leave a Reply

Your email address will not be published.


*