KAWLRAM BUAI LIO AH BUAINAK DANG A CHUAK HOI CANG MINUNG 700 A HLEN HNA

Kawlram buai lioah thawngpang dang alinsa tthan. Rianttuantu minung 700 leng lahkhah pek loin a zaammi thilthitnak sehzung ngeitu pa cu tazacuai a sinak in kumkhat leng a rauh hnu zongah a hmuh check a si rih lo. Yangon region South Dagon ah a um mi Euro Gate thilthitnak sehzung ah a ttuan mi minung 700 leng cu lahkhah pek loin angeitu pa a zam diam.

Azaami mi sehzung ngeitu pa cu taza cuai asi ko nain kum khat a rauh tiang zongah a hmuh check piak a um rih lo tiah rianttuantu pawl sin in theih asi.Sehzung ngeitu nih cun a riantuan pawl cu 2020 March le April lahkhah cu Thingyan zung khar hlan ah pek loin a um hna caah riantuantu pawl nih duhlonak langhternak an rak tuah caah an lahkhah cu a cheu tu in a pek chung hna I a tang mi a cheu cu April ni 21 hlan ah kan pek dih hna lai tiah upa hna hmaika ah minthut nak a rak tuah.

Thingyan dih hnu in tutiang ah sehzung cu an on than ti lo caah riantuantu pawl cu lahkhah pek hlei loin a um caah vuanthan lei Usi-hmu nih South Dagon taza zungah sehzung ngeitu pa cu Rianttuantu hna aiawh in taza a cuai. Cu thilthitnak sehzung cu Germany pa le Kawlram pa U Myo Win hna I fonh in an dirh mi a si tiah sehzung ah a tuanmi vuanthan nih a chim.

Asi nain U Myo Win nih cun a ngeitu ah ka tal lo. Vuanthan sawhsawh ka si tiah a chim. A tu tiang ah taza zung nih a auh hna nain Germany pa cu voikhat hmanh a ra bal lo.Cu pin ah Kawlram pa U Myo Win nih sehzung ah a ummi thil pawl cu a thir len hna caah sehzung chung ah zeithil hmanh a um ti lai loh tiah vuanthan pawl nih cun an chim.

A hlan ah khan cun taza kan cuai mi kan tei lai i, kan nihlawh cu kan hmuh than te ko la tiah ruahchan nak kan rak ngei nain atu cu hiti hin dih dawh si cang tiah Euro Gate vuanthan pakhat a si mi U Myo Min Lwin nih a chim. Sehzung ngeitu nih vuanthan pawl pek ding in a tangmi lahkhah hi ting thongkhat hrawng a si tiah a chim chap.

May be an image of motorcycle and outdoors

Khuami Lawmhnak In An Khat: Ralhrang kawlralkap sin ah thawngpang a pe lengmang mi ralhrang kawlralkap a dirkamhtu Dalan pichur cu meithal kahnak in a nunnak aliam. Yangon ramtthen Tamwe Myone Kyauk Myaung i, Satipatthana ah ralhrang kawlralkap sin ah a thlithup in thawngpang achim lengmang Dalan Pi CHUR pi, khuabawi a simi cu a motor chungah meithal in an kahthah.

Dalan pichur Daw Soe Soe Lwin hi khuabawi asi i, a hlan ah puaisa a rak ttuanmi a si. Ralhrang kawlralkap hna nih nawlngeihnak an lak hnu ah ralhrang kawlralkap kuttang ah Sang khuabawi a ttuanmi a si. Mipi hna an cawlcangh ning vialte hna cu ralhrang kawlralkap sin ah a thlithup in thawng athanh lengmang tiah an chim. Amah ruangah minung tampi an tleih hna i, a nunnak aliammi zong an um.

Ralhrang kawlrak a dirhkamhnak bia le hla zong social media ah alanghter lengmang mi a si. Dalan pichur Soe Soe Lwin cu tuzing suimilam pahra hrawngah motor in lengah a chuak I, mizei ti theih lomi nih meithal a motor chung lila ah an kahthah. Thil a cannak hmun ah ralhrang kawlralkap hna cu an rak phan colh tiah an chim.

Hi konghe pehtlaiin pawngkam a ummi pakhat nih a chimmi cu Motor chung a um lio ah an kahthah. A hlan ah Soesoe Lwin hi puaisa a ttuanmi a si i, ralhrang kawlralkap kuttang ah sang khuabawi a ttuan. Amah ruangah minung tampi an tleih hna. Suimilam 24 chung bak ralhrang kawlralkap sin ah thawngpang apetu asi. Nu sual taktak asi i, an kahthah mi cungah sang mipi an i lawmtuk tiah a chim.

Be the first to comment

Leave a Reply

Your email address will not be published.


*