KAWL MINUNG TEL LOIN KACHIN COZAH KAN DIRH LAI:KNO

Kachin ram ah kawl minung i tellonak cozah kan dirh lai tiah KNO phu nih thanhnak an tuah. Hi lio caan ah Kachin Political Interim Coordination Team ( KPICT) cu CRPH he an i chawnh cuahmah lio asi i, zeimawzat zong hnatlaknak an tuah cang i, ralhrang kawlralkap uknak dohkalh dingah hmunkhat thinkhat in rian kan ttuanti lai tiah aliamcia May 27 ah tonnak an rak ngei.

Kachin Political Interim Coordination Team le CRPH hnatlaknak an tuahmi cungah KNO nih a soisel ve hna. KNO nih lehnak an tuahmi hna cu Kachin ramchung ah hin kawl minung i tellonak cozah kan dirh lai tiah an ti ve. Kachin cozah dirh dingah Kawl i telnak party siseh kawl nih an dirhmi party hna he tuan ding cu a him lo tiah an ti.

KPICT le CRPH cu hmunkhat ah rianttuan tti dingin hnatlaknak an tuahmi cu tulio ramchung buainak caa lawngah a si tiah thanhnak an tuah. Tutan ah hibantuk in cathanh a chuahmi KNO (Kachin National Organization) hi aliamcia kum 1999 kum ah an rak dirhmi mi asi tiah theih asi. Kachin ah hin buu tampi an um hna i, pakhat le pakhat an ruahnak hi aidang caan a tam ngai.

Jinghpaw Wunpawng Amyu Sha Hpung Kachin National Organization - Burma Link

Relchih:Ralhrang kawlralkap nih DVB le Mizzima reporter pahnih cu ningcang loin thawngpang an zamh ti ruangah kum hnih thongtlak dingin biachahnak an tuah piak hna. Ralhrang kawlralkap nih DVB reporter Aung Kyaw an tlaih lio ah hin Live in arak thlah. Amah he hin ralhrang kawlralkap hna nih DVB reporter minung pathum an tlaih cang hna. Ralhrang kawlralkap hna nih DVB le Mizzima hi an license tiangin an rak chuhmi hna asi.

DVB thawngzamhnak hna nih ralhrang kawlralkap hna nih hin Aung San Suu Kyi hi phungning loin an tlaihmi asi caah rianrang in chuahcolh hna seh tiah thanhnak an rak tuah pin ah ralhrang kawlralkap cawlcanghnak cu miphun phung siseh vawleicung phung le lam he aa kalh mi asi tiah an ti rih. Hi konghe pehtlai tthiamthiam in atanglei bangin Mizzima nih an langhter ve.

Mizzima nih atimi cu Zaw Zaw hi ralhrang kawlralkap khuakhan lairelnak tangah tlaihmi chungin minung panganak asi tiah an chim. Mizzima lawng siloin independent media outlet hna zong zalong tein an um ter hna ding asi tiah an chim. Hi konghe pehtlaiin ASEAN monitoring Group nih alanghter ning ahcun mipi cozah tlak asi thok in Journalist 87 an tlaih cang hna i hi chungah 51 hna cu an hren rih hna tiah alanghter.

Ralhrang kawlralkap hna nih hin ramdang thawngpang latu tamngai zong an tleih hna. Hi chungah US minung pahnih zong an i tel. Aliamcia May ni 24 ah an tlaihmi Frontier Myanmar managing editor Danny Fenster zong a konglam, khoika dah an chiah anung dam maw timi zong thawngpang zeihmanh theih a si lo tiah Frontier nih alanghter.

Be the first to comment

Leave a Reply

Your email address will not be published.


*