HARVARD UNIVERSITY AH DOCTOR DEGREE KA LA A TIMI AA NIH AN TLAIH

Harvard University in Doctorate degree ka la tiin Training Centre tuahtu AA nih an tlaih. Harvard University in Doctorate Degree ka la tiin Rakhine Ramkulh khuapi Sittwe ah Training Centre a tuahtu Ko Si Thu Aung cu kan tlaih i chekhlatnak kan tuah tiah AA hriamtlai Deputy Commander-in-Chief Dr. Nyo Tun Aung nih a facebook cahmai ah a langhter.

Si Thu Aung nih a tuah mi Training Centre cu Vertex International Myanmar le Rakhine Education Development Program ti a si i Harvard University in Degree a hmu mi a si lo tiin Social Media cahmai ah an phozaar hnu ah atu bantuk in AA hriamtlai nih an tlaih hi a si. Doctorate degree adeu (atuh) in mihlengtu Ko Si Thu Aung cu kan hren ko.

A konglam kan dothlat lio a si,” tiah Dr. Nyo Tun Aung nih cun a facebook ah a tial.Si Thu Aung cu Harvard University in degree a hmu a si tiin Rakhine Ramkulh chung mino tampi sin ah a laar ngai i a training center zong amin thang ngai tiah theih a si, tiah PeopleMedia nih a tial.Credit: The Hakha Times.

Thawngpang dang: Ramkip ah a ummi Kawlram Embassy vialte hna cu ralhrang kawlralkap hna nih zuar dih an timh caah NUG cozah nih theihternak cathanh a chuak. NUG thanhnak atuahmi cu anmah tein rampi tlaitu aa timi maw Inn Hngak Cozah aa timi maw min i bunhmi zong siseh, ralhrang hna nih mipi cungah ningcang loin hriamnam he nawlngaihnak alatu an si.

Cucaah UNO siseh adang ram zong nih ralhrang kawlralkap hi mipi fehter mi cozah ah an cohlang hna lo hrimhrim. NUG nih cun 1908 phungning loin buu dirh kong alanghter, Act section 16 bantukin ralhrang cozah hi phungning loin dirhmi asi tiah alanghter bangin Act section 18 zongah ralhrang cozah he pehtlaihnak angeimi buu hna cu zeibantuk mi paoh i vuah hna seh, phung lengah a ummi phungning loin buu dirh an si ti a fiang cang.

Union of Myanmar nih angeitu min sinak a putter cangmi ram chung, ramleng cozah inn le a hmun hna cu mipi ta an si caah mipi aiawhnak angei lomi ralhrang cozah le a bawmtu hna nih cu ram le inn siseh a chung thilri vialte hna cu nawlngaihnak le, tonghthamnak siseh zuar khawhnak nawl an ngei lo. NUG cozah nih cun ramleng ah a ummi kawlram cozah ta Embassy ahmun le inn hna cu ralhrang nih an zuar ding asi zongah phungkalh a si tiah kan thanh.

Hi bantuk thil ah ahohmanh pehtlaihnak ngei hlah uh tiah theihternak zong an tuah chih. Theihternak tuah asi hnu ah a cawtu an um ahcun ralhrang nawlngeitu siseh a cawtu hna cu NUG cozah nih action lakkhawhnak nawl angei tiah theihternak an tuah chih. Hi kongah NUG aiawh Ministry of Foreign Department nih ram ngeitu cozah le a bawmtu hna he a harh ning in pehzulh peng asi lai tiah ralhrang kawlralkap thanhnak tuah hlan ah cathanh an chuah.

Be the first to comment

Leave a Reply

Your email address will not be published.


*