HAKHA THIL CANG CU LUNG A FAK KO, VUN ZOH CIO TUAH UH, A POITAK TAK

Hakha ah ralhrang kawlralkap hna thiltuah cu lung a fak chin lengmang ko cang. Zahanzan an bomb le an meithal puahnak ruangah Hakha ah inn zeimawzat a rawk tthan. Zahanzan suimilam hleikhat le cheu hrawng in Hakha ah pehtlaiin bomb le meithal an puah. Hi bomb le meithal puahnak hi Chin Oo Sii le Khuathar lei ah a si tiah an chim.

May be an image of indoor

Nizan hakha thil a can cuahmah lio ah khuami pakhat nih a chimmi cu bomb le meithal puah thawng hi a thangtuk hringhran i, kan i hngilh cangmi zong aa kan tthangh dih, Bomb hi voi sararih hrawnghrang a puak tiah a chim. Nizan hakha bomb le meithal puah hi suimilam hleihnih tiangah a dai rih lo ti a si. Nai hrawnghrang Hakha ah hin zanchiar tee ti awk in bomb a puak. Hmanthlak vun langhtermi hi Hakhathar Lungphun tlanglei ah a ummi inn a rawk mi a si.

No photo description available.

Salai Bawi Lian Mang Cabia. Chinram ah Kawl ralhrang camp 56 a um. Atu pakhat thio asi i June thla ah Makui Ingnu camp thio asi cang. Kan lung airual ah cun hi ralhrang pawl camp vialte hi an dihlak in kan thio ko hna lai. Lungler camp hi fek taktak in an sak mi camp asi.2019 lio ah TABC mino khawmpi cu Lungler ah kan rak tuah. Nungak tlangval lawngte 300- 400 TABC Mino program in nuam tamtak in kan rak itong hna. Ralkap camp pawng Lungler certual ah lente celh nak cu asi.

Ralhrang pawl nih an camp kutka ah ca pa hnih an tar; Hi ralhruang cu Zeitik hmanh ah hnu lei piltak loding mi ralhruang asi timi le; Ka thih hlanlo hi ralhruang hi ka ven lai tiah ca an tar. An ralhruang cu ka rak hel ka rak zoh i hman ka rak ithlak sek.Hi tluk i a fek mi ralhruang le ralhrang nih zeitik hmanh ah hnulei pil tak lo ding le thih tiang in ven ding an timi camp cu CNA le CDF Thantlang nih ni hnih chung an kulh, ralhrang lei in fighter jet tiang in bomb a rak thlak na in an lak ko. Hi tluk a fek mi camp hmanh nihnih chung ah an lak khawh ah cun a dang camp pawl zong hi CNA le CDF nih an lak khawh dih ko lai tiah ka zumh ngai.

Zei ruang ah dah na zumh tiah an ka hal ah cun hitihin ka leh hna lai. Thinlung in kan tei tuk cia hna. Raltuk ah abiapi bik mi cu thinlung asi. Ralhrang hi an thin lung in an sung cia i kan nih CNA le CDF nih thin lung in kan tei cia hna. Raltuk lei ah minthang bik strategy thiam Suntzu nih Ral cu tuk hlan in thin lung in tei cia a hau ati.Hi Lungler ralhrang camp thio nak ah hliamhma a pu mi, a thisen le a thlanti a luang mi, ralttha taktak in a do mi hna upatnak salam pek bu in.

Be the first to comment

Leave a Reply

Your email address will not be published.


*