HAKHA CACHIM PA 2 RALHRANG KUTTANG AH AN KIR TTHAN

Tutan ah The Hakha Times nih thawngpang fiang a vun langhtermi cu amak ngaingai ko. Tulio ah ralhrang kawlralkap khuakhan lairelnak cu hmunkip kaakip in doh lengmang asi. Ralhrang kawlralkap lei in a dirmi hna cu minung tampi an nunnak aliam cang. Culio cuahmah ah tutan Hakha cachimtu kong an langhtermi cu lung attha hrimhrim lo. Zei hme an ruah hnga ti awk in a um.

Ralhrang kawlralkap kuttang ah rian kan ttuan lai lo tiah mikip ti awk in rian an ttuan cuahmah lio ah Chinram khualipi Hakha ah sianginn cachimtu terlei sang a panh mi mi nung pahnih hna cu CDM ah an lut nain ralhrang kuttang rianttuan dingin Non-CDM ah an kir tthan. Ralhrang lei ah rianttuan dingin minung panga hrawng an si cang tiah an an langhter. Hi konghe pehtlaiin The Hakha Times nih atanglei bangin alanghter.

Chin Ramkulh sianginn dihlak ah taangkua le taanghra siangakchia a thar an  cohlang hna lo - The Hakha Post

Hakha BEHS No.1 in CDM saya/ma pahnih Non-CDM than, an dihlak 5 hrawng an si. Hakha sianginn lak ah a ngan bik pakhat BEHS No.1 in siangcachim CDM a tuah mi saya/ma pahnih cu an i leet i Non-CDM an si than, an dihlak 5 hrawng an si, tiah kan theih. BEHS No 1 ah hin siangcachim le riantuantu 99 hrawng kan um. Cu hlan ahcun saya/ma 3 lawng hi CDM a tuah lo mi an si i nizaan naihrawng khan minung pahnih cu Non-CDM an si than.

Annih pawl hi pension a la deng cang mi pawl an si. Sianginn zong anmah tein thianhlimhnak an tuah, tiah kan theih,” tiah CDM saya pakhat nih The Hakha Times ah a chim. BEHS No. 1 sianginn lawng si loin sianginn dang zong ah CDM a tuah lo mi siangcachim cu mitlawmte lawng an si. Sianginn hon le kai lai caan a si caah i leet in Non-CDM a tuah mi an um pah len, tiah kan theih. Credit: The Hakha Times.

Be the first to comment

Leave a Reply

Your email address will not be published.


*