MAY 18 ZAAN HAKHA AH RALHRANG NIH MINUNG PATHUM AN TLAIH HNA

May 18 zaan Hakha ah SAC phu nih minung pathum an tlaih hna. Zahan May 18, 8:30 pm in 9:00 pm kar Hakha Dawrhlun Kuatthit Sang Hausangva pawng ah SAC phu Palek le Ralkap nih minung 3 an tlaih hna. An tlaih mi hna hi Sui Thawng pa (Zokhua), Joshua (Lunghnam) le Peter an si. Cu ruang ah a si hnga maw, tuzing 9:30 am hrawng ah khan Hausangva pawng ah bomb a puak,” tiah khuami pakhat nih The Hakha Times ah a chim. Credit: The Hakha Times

Hakha Khuathar ah Pu Tuan Ceu Fale Pahnih Ralkap nih an Tlaih Hna - Daily Hot News

Thawngpang Dang Relchih:Ralhrang kawlralkap pawl caah cun thawngpang chia taktak si tthan cang.Hramhram in nawlngeih uknak a latu ralhrang kawlralkap bawi hna le an fanu le chungkhat hna cu US le UK, Canada hna nih dantatnak an vun tuah chap tthan cang hna. Ralhrang kawlralkap hna nih hramhram in nawlngeih uknak an lak ka ah ralhrang kawlralkap lutlai minung pahra zong dantatnak an rak tuah cang hna.

Culawng siloin ralhrang kawlralkap dang siseh, ralhrang kawlralkap he rian attuanmi hna zong dantatnak an rak tuah cang hna. Tutan zongah UK le Canada, US hna nih ralhrang kawlralkap siseh, an mah ralhrang kawlralkap cozah tangah rianttuanmi minung hleiruk hna cu dantatnak an tuah tthan rih hna. Tutan ah dantatnak an tuah ning cu atanglei bantukin a si.

Hi dantatnak an pekmi ah hin US siseh, UK siseh, Canada ah an tlawng kho ti lai lo. Cun hi hmun le hma ah an ngeih tangka vialte le thilri hna zong lak khawh ti lo dingin dan an tat rih hna. Cun hi ramthum ah a ummi ahopaoh ralhrang kawlralkap hna he rian nan ttuan lai lo tiah thanhnak an tuah pin ah zeibantuk an tuahmi zongah ralhrang sin ah i tel lo dingin thanhnak an tuah chih.

Hi konghe pehtlaiin a cunglei langhter mi ram tthawng pathum hna nih ralhrang kawlralkap dantatnak konghe pehtlaiin vawleipi sin ah thawngthanhnak le nawlnak an tuah tthan rih mi cu ralhrang kawlralkap hna cungah hriamnam zeihmanh zuar ti hna hlah ulaw, rian zong ttuan pi hna hlah uh tiah nawlnak an tuah chih hna.

Be the first to comment

Leave a Reply

Your email address will not be published.


*