HAKHA AH PI MAH NAWN A NU NIH MUAL AA KAN LIAMTAAK

Nihin Hakha ah COVID-19 in Minung Pakhat Nunnak Liam. Nihin (August 22) Hakha ah COVID-19 zawtnak in minung pakhat a nunnak a liam. A nunnak a liammi hi Pyidawtha sang um, Pi Mah Nawn i hringtu a nu (kum 75) a si i, anih hi zunthlum zawtnak zong a ngeimi a si. COVID-19 Third Wave hnu in Hakha ah COVID-19 zawtnak in an thi tiah fehtermi minung 19 an si cang. COVID-19 zawtnak in an nunnak a liam ko tiah lunghrinhmi mithi a dang 19 zong an um ve. The Chin Journal

May be an image of standing and outdoors

Thawngpang dang: AIPA Assembly Ah Ralhrangbu An Kai Termi Cungah ASEAN An Lungtling Lo August 22 in 25 tiang Brunai ram ah tuah ding mi a voi 42 nak ASEAN Inter-Perliamentary Assembly (AIPA) tonpumhnak ah ralhrangbu cu observer in kai nak nawl an pek hna i, CRPH an i tel ve lo nak cungah CRPH an lung a tling lo. AIPA hi ASEAN Parliament ah a sang bik mi parliament phu pakhat a si.

I, AIPA rotation chairman Brunai Judiciary council chairman H.E. Pehin Dato Abdul Rahman Taib nih Kawlram aiawh ding min cazin theihternak cu parlianmentary culture phung ningin thawng an kan thanh lo tiah a ti. CRPH nih hi tonpumhnak kai dingin CRPH chairman U Aung Kyi Nyunt, Daw Myat Thidar Tun le U Sithu Maung hna cu kai dingin min an pek mi a si.

Atu bantukin CRPH sin ah thawngthanhnak an tuah lo mi kongah AIPA chairman thiltuah ning le ASEAN parliament cu democracy phungning he a kalh mi, mipi aiawh nak a um lo mi kalphung pakhat a si. Cu hleiah AIPA chairman nih mipi thim a si lo mi le, mipi ai a awh lo mi ralhrangbu palai observer ah an pom mi cu democracy phung zah lo nak le ralchiatnak nak a si. Tuah sual, palh mi a um a si ahcun rianrang in silhnalh ding le Kawlram mipi aiawh tu hna sawm an timh a si ahcun meeting kai dingin timhcia kan si tiah CRPH nih a ti. TCP

Be the first to comment

Leave a Reply

Your email address will not be published.


*