GOOD NEWS: KALAYMYO AH RALHRANG NIH NUPA HNA AN THLAH CANG

Good News: Ralhrang kawlralkap hna nih Kalaymyo Taukkyan khua ah nupa hna an tlaihmi hna cu an thlah cang hna. Kalaymyo Htaukkyan khua ah ralhrang kawlralkap hna nih nizan August ni 10 zinlei suimilam pakhat le cheu hrawngah nupa hna cu an tlaih hna. Asinain zanlei muihlan ah an thlah tthan hna tiah theih a si.

Nizan suimilam pakhat le cheu hrawngah ralhrang kawlralkap hna cu motor pathum le palek motor pakhat in minung 30 hrawng hna cu Htaukkyan khua ah mi an kawl hna. Khuami hna cu amah a um tiin an min fang in minung an kawlmi hna cu an hal hna. Culawng siloin khuachung sang cazin tiang zongin an check dih a si. An kawlmi an thleih khawh lo caah chungkhar pakhat nupa hna cu an tlaih hna.

Asinain an thlah tthan hna tiah theih a si. Tulio Kalaymyo ah hin ralhrang kawlralkap hna nih biatak tein minung an kawl cuahmah hna i, nifatin ti awk in minung aa chokhlen mi zong an check hna i, hawi hlei in ralhrang kawlralkap hna nih an check mi hi cycle aa citmi konghi an check khun hna ti a si. Cun an check mi hna zong tangka thong 5, 6, 10 tibantuk in an hal hna i, Tumbing mongtu an tlaihmi hna hi cu thong 90 tibantuk in an tlanhter hna tiah an chim.

In Pictures: Myanmar military seizes power | Gallery News | Al Jazeera

Thawngpang: Kyaw Moe Tun thah timhnak kongah pehtlaihnak kan ngei lo tiah ralhrang kawlralkap nih thanhnak an tuah. Hi konghe pehtlaiin Myanmar Military Foreign Minister nih a chimmi cu Kyaw Moe Thun thah a timmi hna hi US minung an si. Hi buainak ah hin Myanmar Military Council he pehtlaihnak pakhat hmanh angei lo tiah a chim. Hi kongah hin pakhat hmanh pehtlaihnak a um lo.

US cozah nih an phunglam or upadi ningin action an lak dingmi asi ko tiah a chim. Thanhnak tuah cang bantukin Kyaw Moe Thun cu minung pahnih thah an timh. Asinain US rianngeitu hna an tlaih hna. Ralhrang nih an timi cu Kyaw Moe Thun hi rampi rawiphirtu a si pin ah case a ngeimi a si tiah a chim chih rih. Kyaw Moe Thun thah timhnak kongah ramdang hruaitu hna zong an lung afak cio hna.Ralhrang kawlralkap dirhkamhtu hna nih thisen tiang chuah an timh mi kan doh hna lai i, Kyaw Moe THun lei ah kan dir peng lai tiah US le UN Ambassador hna nih an chim ve. Kyaw Moe Thun cu a liamcia zarh in khan hrocernak arak tong i, US nawlngeitu palek hna sin report a rak pek. A rauh hlan ah mi sual pahnih cu an tlaih cang hna.

Be the first to comment

Leave a Reply

Your email address will not be published.


*