GOOD NEWS : JAPAN NIH KAWLRAM TAKTAK BAWMHNAK A PEK LAI

Thawngpang ttha, Japan nih kawlram cu 5.8 million bawmhnak apek lai. Ralhrang kawlralkap hna nih uknak an lak ruangah harsatnak a tongmi hna caah tiah Japan nih US tangka in 5.8 million bawmhnak apek lai. Hi konghe pehtlaiin Japan Foreign Minister Moteji Toshimitsu nih thanhnak a tuah mi cu kawlram harsatnak a tongmi hna caah bawmhnak tuah tthan a si lai tiah Press conference ah a chim.

Japan nih Yangon ah a ummi minung tingruk caah WPF hmangin dollar 4 million bawmhnak a pek cang i, Kawlram democracy a si khawhnak dingah siseh mipi caah Aung San Suu Kyi an thlakhnu tiangah Japan nih bawmhnak a pekmi hi Dollar 20 million a si cang tiah an chim. Ralhrang kawlralkap hna thiltuah hi biatak tein Japan nih an doh mi a si.

Ralhrang kawlralkap hna nih an tlaihmi hna le Aung San Suu kyi zong thlah hna uh tiah an ti hna pin ah Democracy lamzulh in dingin a chimh lengmang hna. Ralhrang hna nih ningcang lo tuk in thil an tuah ruangah chawlehnak an tuahmi zong achah. Ralhrang kawlralkap tuahsernak ruangah ramchung mipi harsatnak a tongmi hna cu tutan ah bawmhnak kan pek hna lai tiah an chim hi a si.

Japan hopes to deepen ties with USA: Foreign Minister Motegi - BusinessToday

Thawngpang dang: PDF Ralkap 8,000 Leng Training an Lim Cang Lai.Atutan July thla thih ah PDF ralkap milu 8,000 leng raldoh ningcang tlamtling in an cawng dih cang lai, tiah NUG TV Channel nih thawng a thanh. NUG runvennak vuanci zung nih atulio ah abikin aa hmaithlakmi thil phun 4 a um i, ralkap milu khawmh hi abiapimi pakhat ah aa telmi a si.

Raldoh cawnnak, ralkap thar sawmnak, ralhriam hmuh ding in i zuam le Myanmar ramchung ah aa tthentthek dihmi PDF ralkap bu vialte hmun khat ah funtom timi hi NUG ruvennak zung ih aa timhmi an si.May 5 ah NUG nih PDF a rak ser i, thla 3 chung ah ralkap milu 10,000 tlin ding in hmuitinh an ngei.Asinain, atu July thla dih ah hin PDF ralkap milu 8,000 leng nih raldoh cawnnak an lim cang lai.

NUG runvennak vuanci U Ye Mon nih, “PDF training hi a thlithup in tawlrelmi a si tik ah kai a duhmi paoh training kan pe kho rih hna lo. Atutan hi Myanmar ramchung ah a donghnak bik raldohnak a si lai. Kan tei hrimhrim lai,” tiah a chim.Raldohnak a chuah hlan caan karlak chung ah lungsau tein le ralring tein kan um cio a herh, tiah U Ye Mon nih a chim. Credit:The Chin Journal

 

Be the first to comment

Leave a Reply

Your email address will not be published.


*