GOOD NEWS: CDF ZOPHEI CAAH TAM TAKTAK AN HLUT

Thawngpang ttha taktak. Zohchuntlak chungkhar taktak an si. Pu Maung Lian le a thaisung nu Pi Biak Sui nih Vanlong kahnak cawknak dingah dollar in thongsarih an hlut. Hi an hlutmi hi Zophei Chinland Defense Force (CDF- Zophei ) caah a si. CDF Zophei caah vanlong kahnak ding hriamnam cawknak caah an hlutmi asi. An mah hi Lawngtlang khuami an si. Bawipa nih thluachuah pe chin ko hna seh. Laknak. TCE

May be an image of 2 people and people standing

Thawngpang dang: CDF minzuar in Hakha ah top-up Ks.90,000 man minung pakhat nih fir. Hakha ah CDF ka si tiin dawr thil caw bantuk in aa umter i ralrinlo karlakte ah MPT top-up Ks.90,000 man le MPT SimCard minung pakhat nih a fir, tiah kan theih. Hi dawr thil an firpiak mi hna hi Bik Bik Electronics dawr a si i Sii-inn lampial chak, CP Five Star hmai ah a um mi a si. CDF ka si a ti.

Saulak thil a zoh. Mask aa huh, amittlang-hmul aa tong deng mi, mitung sang, kum 16 hrawng minote a si. Thaizing lei hrawng cun kan i kap thluahmah cang lai a ti i zawnruahnak he dawrkhar kan duh cang ko nain thil cu kan zohter. Battery, Air-phone, tibantuk a zoh len. Zun-inn tawh a kan hal i kan pek. Sau ngai a rau i kan vun zoh tik ah a rak um ti lo. Top-up Ks.3000 man pawl a dihlak ah Ks. 90,000 man le SimCard a kalpi diam. Hi bantuk hi dawr tuahtu dangdang zong nih kan i ralrin a herh,” tiah dawr ngeitu nih The Hakha Times ah a chim.

Hi kong ah CDF-Hakha in tuanvo ngeitu upa pakhat nih, “CDF minzuar in miphun le bu leirawi le minzuar a tuahtu cu thihdan tiang pek khawh a si. Mi dangdang zong nih cu bantuk minung cu i ralring u. Cun, kan tlaihpiak kho hna ulaw kan duh,” tiah The Hakha Times ah a chim. SAC nih nawlngeihnak a lak hnu le COVID-19 phihkharnak ruang ah Hakha khua theng lawng si loin Myanmar rampum ah mifir an karh. Credit: The Hakha Times.

Be the first to comment

Leave a Reply

Your email address will not be published.


*