FIANG TEIN A VUN LANGHTER KO CANG HIH, PU ZOBAWI NIH A TUAHMI

Pu Zobawi konghe pehtlaiin Salai Ngun San Aung nih a chimmi cu NLD Chin State/Hakha peng nih 2015-2020 kar an tuanmi rian hi a rak tlawm lo timi cu Pu Zo Bawi inn sak liomi zoh hin a fiang ko.State le Regional Hluttaw Speaker i an thlahlawh cu thlakhat ah nuai 30 (3,000,000) a si. Kum nga ah thla 60 a um caah nuai 30 cu thla 60 in karh ulaw Nuai 1800 a chuak lai. A tu ka tarmi inn hi contract nuai 6000 in a sakter mi hna a si. Tiah a chim.

Hi konghe pehtlaiin Salai Lungthlitum nih Pu Zobawi a dirhmun le a sining konghe pehtlaiin siseh Salai Ngun San Aung nih cabia attialmi konghe pehtlaiin thil sining lehnak or fianternak a tuah ve. Salai Lung Thli Tum nih a chimmi cu Salai Ngun San Aung,Tutan dothlennak ah Laimi nih kan zohthla bikmi Salai Ngun San Aung nih atu lio ngol thei loin Pu Zobawi a thangchiat lengmangmi hmuh tikah lung a tha lo,

Kan ral taktak kan philh sual maw ti awk in a um. Pu Zobawi zong hi amah ti khawh tawk tein kum 20 leng ralkap cozah a rak doh ve i Chinram NLD hruaitu tiang a phanmi a si. Ralkap nih tutan tlaih in caan sau ngai hrem hmasami zong ah ai tel ve. Atu belte a kum upa ve cang caah dai tein a um khi a si. Amah tein a um ko mi minung pakhat kha CDF hruaitu pakhat nih khiti a thangchiat lengmang tikah a ngaihchiami an tampi kho.

CDF ralkap lila ah siseh, CDF caah biatak tein fund a kawltu lak zong ah Pu Zobawi a tefa an tampi timi philh lo a tha. Zobawi khi CDF nan ral a si bak lo, amah doh caan a si bak lo tiah ka ruah. Nan ral aho dah asi timi philh hram hlah u. Pu Zobawi hi kum no tein businessman a cang, atu inn asakmi khi amah innhmun a si. Hakha innman a fah biknak hmun ah keimah ka chuah hlan ah inn a rak ngei cang.

A tthing tuk cang caah atu a thar in a sak than khi a si. Hluttaw rian a tuan pah in tlorthing, grape dum, mansang thing cinnak dum tibantuk ekah tam taktak a tuah chih. Bungzung pawng ah kung 10,000 leng a cin. Kungkhat ah tingkhat man a si i kum 4 hnu zuar ahcun ting 10,000 leng ka ngah lai tiah media interview ah a rak chim bal. Zephai zong ah tlorthing tam taktak a cin rih. Culawng hlah, US le Norway ah a fale an um.

Hakha ah inn sak cu Laimi tampi nih tuah khawh ciomi khi a si ko. Zobawi a sakmi inn khi sui-inn asi hraw lo. Salai Ngun San Aung, ram caah nai pumpekmi cung ah kan in upat. Kan ral taktak na doh caah kan i lawm. Nain, kan miphun caah tihnung a si lem lomi minung pakhat kha 2015 in tutiang ngol thei loin na dohmi cu kan ngol piak ko cang tiah kan nawl. Tiah Salai Lungthlitum nih a chim ve.

Be the first to comment

Leave a Reply

Your email address will not be published.


*