DALAN RUANGAH TRAINING ATUAHMI AN HRIAMNAM HE AN TLAIH HNA

Laksawng kan in pek hna lai an ti hnu ah minung 24 an tlaih cang hna. Ralhrang nih Dalan pawl hna cu thawngpang naa kan pek asi ahcun laksawng kan in pek hna lai tiah an thanh hnu ah an tlaihmi an tam cang. Tutan ah an tlaihmi hna langhtermi 24 hi Sagaing Region, Township 37 chung ah a cangmi a si. Tthenkhat cu an hriamnam he an ralhrang kawlralkap nih an tlaih hna.

Tlaih a tongmi hna konghe pehtlaiin an hawipa pakhat nih a chimmi cu Dalan ruangah a si ko. Zaw Zaw le Tant Yin Aung, Aung Yin Phyo hna hi training an tuah lio ah an meithal he an Uniform hna he an tlaih tiah a chim. Culawng siloin Sibawi pakhat tu cu a zam manh tiah an langhter chih. Tlaih a tongmi Zawzaw in Meithal le a kuan zong an va lak rih ti a si.

A zaam manh mi Sibawi pa inn zongah ralhrang le palik hna nih an va check i, meithal a saumi le kuanfang siseh a puak khomi detonator pariat le an dumchung ah a phummi Thonghrolh pasarih zong an tlaih tiah min langhter aduh lomi pakhat nih a chim. Ralhrang nih Dalan pawl laksawng kan in pek hna lai tiah an thanh hnu in hi state chungah minung 24 an tlaih cang hna.

May be an image of military uniform

Thawngpang dang:Mandalay Palik thawngpang a chuak. An batuk cang. Mandalay palik pawl hna cu Palik station le out post ah suimilam 24 chung dinh caan ngeilo in an ven caah an batuk cang ti a si. Mandalay Palik sakhan pawl hi a caan caan ah tukdohnak an tuah tawn hna caah. Biatak tein runvennak an tuah i, runvennak zong hmun tampi ah a um i, petrolling pin ah case zoh le ngiathlainak tuah ahau peng. Cucaah palik hna cu dinhcaan an ngei ti lo i, duty nak hmun ah an i hngilh tawn tiah an chim chih.

Hi konghe pehtlaiin palik rian a ttuanmi min langhter a duh lomi pakhat nih a chimmi cu Patrolling kan tuah khawh ah Camp runvennak kan tuah colh i, dinh caan kan ngei lo. Sau a rauh ahcun kan batuk i, Sakhan siseh Camp maw kan ven hi dinh caan cu asi ko tiah a chim.Kan ngut lio ah aa kan kah a si ahcun kan vanchiat a si ko cang tiah a chim ve. Atu ah hin palik pawl hna cu tukdohnak or kahnak an ton lonak dingah an um nak station lam vialte an phih dih hna. Cun lampi ah umhmun khuar in runvennak an tuah rih hna ti a si. A cunglei ah langhter cang bantuk in palik pawl hi an batuk cang i, sau a rauh ahcun rian hmanh an ttuan kho te lai lo tinak si.

Be the first to comment

Leave a Reply

Your email address will not be published.


*