CHINLAND DEFENSE FORCE NIH RALHRANG RALRIN AN PEK COLH HNA

Chinland Defense Force nih ralhrang kawlralkap minung 27 an kahthah hnu ah Chinland Defense Force nih ralhrang kawlralkap an ralrinnak an pek colh hna. Chinland Defense force ralrinnak an pek mi hna cu, Chinram chungah sualnak ngeilo mipi nan tlaihmi vialte a rannak in thlah dih hna uh, Nan thlah colh hna lo asi ahcun Chinram hmunkip ah fakpi in kan in kah hna lai tiah ralrinnak an pek.

CDF-Hakha nih Palik Bawi 3 le Dalan Pakhat an Tlaih Hna -

Thantlang CDF le Hakha CDF nih ralhrang kawlralkap minung 27 an kahthah hna. Nizan June ni 10 ah Thantlang CDF le ralhrang kawlralkap hna cu zinglei suimilam pahra hrawngah Khualhringtlang chungah i kahdohnak a chuak. Cun nizan June Ni 10 thiamthiam ah ralhrang kawlralkap le Hakha CDF hna cu zanlei suimilam pathum hrawngah kahdohnak a chuak.

Hmun hnih i kahdohnak ah ralhrang kawlralkap lei in minung 27 an nunnak a liam. Thantlang CDF le ralhrang kawlralkap i kahdohnak ah ralhrang kawlralkap lei in minung 17 an nunnak a liam i, a nunnak a liammi chungah ralhrang kawlralkap bawi pakhat Bokyi zong aa tel. Thantlang CDF lei in a nunnak liammi le hliam a tuarmi an um lo tiah Thantlang CDF hna nih thawng thanhnak an tuah.

Cun nizan June ni 10 tthiamtthiam ah Ralhrang kawlralkap hna le Hakha CDF hna cu zanlei suimilam pathum hrawng ah Hakha le Gangaw karlak ah i tukdoh kahnak a chuak i, Ralhrang kawlralkap lei in minung 10 an nunnak a liam tiah Hakha CDF lei nih thanhnak an tuah. I kahdohnak ah Hakha CDF lei in hliam a tuarmi le nunnak aliammi an um lo tiah tiah an langhter chih.

Theih aphu ngai mi: Mipi nih theih herh mi thil. Pakhatnak. “CDM caah ramdang nih bawmhnak nan kuatmi 25% hman an sin a phan lo, tiah Yangon hrambunh research tuahtu nih an chim” tiah phu pakhat sinin an dikcak lo nak kan theihmi thil kha zapi sinah CDM caah thawhmi paoh a phan lo tiin tha chiatnak phun in tial lo ding, tulio boruak chinchap ah. Khua lei mah le pengtlang kip nih tolrel tuding ah kan zumh bikmi le atuan kho bik lai tiin kan thim mi hna an si cio. Hi hna pawl kan zumh hna lo ahcun midang vun thim ding an um lem ti lo.

Pahnihnak. “Ralhrang sinah meithal pakhat chutkhomi cu $1000 laksawng pek nan si lai” timi hi a thattuk mi le a diktukmi asi. Phaisa theng kha abiapi asi lo, misual lu man le an meithal cu man ngeihter ding an si. Hibantuk forhfialnak phun pawl hi ralkap caah thawngpang chiatuk le tuksummi thawngpang asi. Politics kong zong theih huaha lo, history zong tampi theih loin kan duh paoh in kan pale catialmi hi kan siarem ning paoh in kan nih mihrut nih kan ti hna awk asi lo.

Pathumnak. Tulio cu mifim le catang sang nakin raal ram ah a raal a tumi le phaisa siang tein dothlennak caah phunzai lo tein a thomi kan ram nih a herh deuh hna. Adikmi a va si sualmi kan theih mi aum ko zongah chim caan asi maw, tulio hi zei caan dah asi, mipi caah lungdonghnak ka tuah hna asi sual lai maw timi ruat bu tein miphun caah hmurcip bu tein le thazaang dihlak chuahnak in tang cio hram hna usih.

Be the first to comment

Leave a Reply

Your email address will not be published.


*