CHAUNG OO PASALTTHA NIH AN I KAHNAK KONG A CHIM, SAWMNAK ATUAH CHIH

Ralhrang cu nan hmuhnak hmun paoh rak that dih hna uh. Sagaing ramthen Chaung Oo peng Mayte Kyo khua i mipi lei humhinnak caah tiah hriam a tlaimi chungin hruaitu cu Yangon Khat Tit Media nih biahalnak an tuah. Biahalnak an tuahmi cu Chaung Oo i tuzing ralkap le mipi karlak ah kahnak a um tiah theih asi. Zeitin a thok tiah halnak an tuah. Lehnak atuahmi hna cu Tuzing tuan tein ralkap lei an ra I an kan kah. Mipi lei in minung pakhat an tlaih.

An kah ve hna i ralkap 5 an I hliam an thi maw an nung timi cu kan thei hna loh aruang cu ralkap lei nih an dawh cawlh hna tiah lehnak atuah. Biahalnak an tuah rih mi cu Zeibantuk kahdohnak dah a can? Zeibantuk hriamnam dah an hman? tiah ahal tthan. Lehnak atuah rihmi hna cu Ralkap lei nih meithal nganngan an hman nain kanmah lei nih cun zeihmanh kan ngei lo mipi thazang lawng kan ngeih.

Cun lai meithal tete tlawmpal kan tuah mi lawng kan ngei. Khua kip ah kal in an kan kah len ko ralkap lei nih tiah a chim. Halnak atuah rih mi cu A hnu cem result hi tah zeidah a lawh? tiah an hal tthan mi ah lehnak atuahmi cu Khuami pawl an ra I thazang hna an kan pek len. Hi ralkap pawl dohkhawh nak ding caah ngeih mi zeihmanh kan ngei lo. Mipi lawng lawng kan ngeih mi an si ko. Cu caah an duh ning in an kan kah nak hi asi. Khuami pawl cu kan zam ter manh hna tiah a chim.

Thawngzamhnak nih halnak apeh rihmi cu Ralkap lei thazang an chaplen tiah theih asi. Zeidah hmailei ah a cang kho? Lehnak atuah rihmi cu: An duh ning poah in khuachia thawl bantuk in an kan kah len ko. Khuakip hmunkip ummi kan unau le zong biacah kan in duh hna. Kan hmun ah rat in na kan bawmh khawh ding asi lo caah nan umnak hmun cio ah a um mi ralkap pawl cu rak that ve ko hna uh tiah cah kan in duh hna. Ralkap lei nih khuakip hmunkip ah hmunhma an lak cang caah tiah an hruaitu nih biacahnak he lehnak atuah.

May be an image of outdoors and tree

Relchih:Sopum khua um hmunkhuar mi SAC ralkap an zaamnak sau, Lungler le Vawngtu bel anmah keel. Thantlang Peng Lungler le Vawngtu (Vuangtu) SAC ralkap sakhaan um ralkap cu anmah keel an si nain Sopum khua ah umhmun a khuar mi ralkap tu cu an zaamnak a sau cang, tiah kan theih. Sopum ah umhmunkhuar mi SAC ralkap hna hi CDF-Hakha nih May 3 zaan Hakhathar an kah hna (SAC ralkap a tlawm bik 4 an thi i 10 leng an i hliam lio) hnu khan Hakha lei ah an zaam dih cang.

Khua pawng an um lio ahcun zeipipa buainak an chuahpi lo nain thinphang in kan um peng. CDF-Hakha nih an kah hna khan an tih i si ko lai, an mui kan hmu ti hna lo,” tiah min langhter lo mi pakhat nih The Hakha Times ah a chim. Lungler um SAC ralkap tu hi an sakhaan ah Palek he an i fon cang. Palek hi 7 hrawng le ralkap hi 9/10 hrawng an si. Nihin tiang cu zeipipa buainak ngaingai an chuahpi lem lo. Anmah um in an um ko,” tiah min langhter lo mi pakhat nih The Hakha Times ah a chim.

Thantlang Peng thiamthiam in minung pakhat nih, Vawngtu sakhaan ah hin SAC ralkap 10 hrawng lawng an um. A zat hi adik cun kan thei kho lo. An tam deuh chel, an tlawm deuh chel a si. Nihin tiang cu buainak ngaingai an chuahpi lo. Khuami cheukhat tu hi thinphang in an um i hmun dang ah aa thialkaam mi zong an um,” tiah The Hakha Times ah a chim.CDF-Hakha nih SAC ralkap an hun kah hna hnu i Sopum um ralkap 15 in 20 kar hrawng cu an i thial cang. Surkhua Palek sakhaan zong May 8 lio ah an rak laak/khanghpiak cang hna. Credit: The Hakha Times

Be the first to comment

Leave a Reply

Your email address will not be published.


*