CAKEI BIAK HMUN SANG NIH FIANG KO IN LEHNAK ATUAH CANG

Lai Pathawng Pahnih an in phomh lai. Ruang Lian Ceu nih ca tialmi Biak Hmun Sang nih a tang lei bang a van leh cang. Tutan Paih tuahmi zoh cu zoh a nuam bak lai hih. Lai Pathawng veve an i tlai than cang lai. Ho deuh dah teitu a si te lai kan zoh hna lai cu. a tang ca hi Biak Hmun Sang nih Rung Lian ceu a lehnak ca a si. Rung Lian Ceu nih Lai Pa a ka ngamh mi nan um ah cun $5000 in ka singkhaw uh ti mi cung ah ka upat.

Kei mah nih $5000 in kan singkhaw. Atu lio a tthawng bik mi Lai Pa na si caah tei kan duh i kan singkhaw. August 21 paih tuah ding ah nangmah he i paih ding ah kan singkhaw. Atu dollar 5k zong hi ka kut cung ah um i ready in paih lei in ttuanvo la tu si ah pek ding ah ready ka si. Na ka colhlan le cohlan lo comment ah ca rak ka let te . Ka lawm. Rak share cio uh tiah Biak Hmun Sang nih a chim.

Rung Lian Ceu nih “Paih a ka duh mi nan um maw? Nan ka tei cun $5000 CDF sin ah donation ka tuah lai. Kan tei ve hna si cun $5000 Donation nan tuah ve lai. Mah nan ngamh lo cun. Ka min rak chim tuk rih hlah uh, powerlifting ka tuah lio asi.” tiah a tial. Laipa ahcun pathawng veve bak an si. Rung Lian Ceu nih $ 5000 in a ngamhmi nih ka Zuamcawh uh ati caah Lai Pathawng Biak Hmung Sang nih “Atu lio a tthawng bik mi Lai Pa na si caah tei kan duh i kan singkhaw” tiah $ 5000 bak in a van zuamcawh cawlh ve.

Biak Hmun Sang le Ruang Lian Ceu ah hin ho dah nan zumh deuhmi a si. Biak Hmun Sang zong tu lio a paimi ahcun a thawngbik a si. Rung Lian Ceu hi Laipa ahcun a teimi an um rih lo. Sihmanhsehlaw a paih lonak a sau cang cang. tu lio hi Rung Lian Ceu nih powerlifting ka tuah lio asi. tiah a tial. Rung Lian Ceu nih a chim ning bantuk tein Biak Hmun Sang nih a zuamcawh caah Rian Lian Ceu tu tan cu a paih hrimhrim a hau cang tinak a si. Pasal a biakam le tlahtem ti a si caah Lai Pathawng bik pahnih Ruang Lian Ceu le Biak Hmun Sang paih kan zoh than cang lai.

Thawngpang dang:Mizoram Ah A Dor Mi Ralzam Cheukhat An Kir Nihin July 28 ah k Chawngte East ah a dor lio mi ralzaam 152 lak ah minung 151 cu an khua lei ah an kir than cang tiah Chawngte East YMA president sin in theih a si. Mah ralzaam a kir mi hna hi kan hnu June thla hramthawk ah Chin ramkulh Mualkai ah Chin Defence Force (CDF) le ralhrangbu i kahnak ruangah Mizoram lei ah himnak kawl in a dor mi hna an si.

Chawngte East hruaitu hna chim ningah nihin ah a kir mi 151 hi Thinghual khua mi an si hna i, atu ah an khua cu a him deuh cang ruangah le an khua pawng ah Chin National Army pawl an um cang caah an hna a ngam cang ruangah a si tiah a ti.Tuipuiral YMA area chung a um mi ralzaam cheukhat hna cu an khua/ram a daih deuh cang caah a kir mi an um pah len cang tiah theih a si.Tupuiral group YMA president Pu PC. Ramenga nih a chim ningah tuipuiral group YMA area chungah a um lio mi ralzaam hna hi minung 1411 an si. TCP

Be the first to comment

Leave a Reply

Your email address will not be published.


*