APOITUK. MINDAT THAWNGPANG ATTHA TILO, LUNGRETHEI TUK SI CANG

Mindat dirhmun a tha lo lungrethei asi, pa vialte tlaih an si I hngakchia pawl zong hliamhma an pu cang. Chin ram Mindat peng ah ralhrang kawlralkap lei nih pa poah poah an tlaih len hna I hngakchia pawl zong hliamhma an pu tiah People Defense Team nih thawng an thanh. Mindat khuachung ah a ummi pa poahpaoh an tlaih len hna kutka pawl tiang hrawh in an luh hnawh hna I an tlaih hna tiah theih asi.

Mawtaw lam in a ra mi ralkap mawtaw poah cu an kham khawh ko hna nain vanlawng in voi 30 tiang khuachung ah hriamnam tling in an kah hna pin ah ralhrang ralkap pawl cu khuachung ah hmunhma an la. Kyaut Htoh lei zong in hriamnam ngan pipi he an vun kah I inn chung tiang ah kuan le bomb pawl a tla tiah theih asi.

No description available.

Ralkap lei brigade 274 zong nih hriamnam ngan an hman pin ah sniper pawl cu khuachung ah an I chawk I mipi pawl cu an kah len hna caah hngakchia pawl an ke le an lu ah fak tuk in hliamhma an pu. Sinain a tu tiang sii an I thlop kho rih hna lo tiah theih asi. San Piah sang cozah inn zong ah hriamnam ngan mi a tlak caah a hliam mi mipi an um. Khuachung zong ah zing lei 7 in chunhnu nazi 3 tiah ralkap lei nih an kah len hna tiah CDF lei nih thawng an thanh. KTM

No description available.

Relchih:Kawlram in Democracy a tlau sual lai tihi ka tih cem mi si tiah Kachin ram Council President nih a chim. Kawlram in Democracy a tlau sual lai tihi ka tih cem mi si tiah ralhrang kawlralkap nih rian an pek mi Kachin ram Council President Pu Khat Htein Nan nih a chim. Tuni May ni 15 ah Naungnan khua I hall ah Naungnan khuami hna he I tonnak ah atu bantuk in a chim mi asi.

Cu tonnak an tuah lio ah cun ralhrang kawlralkap mawtaw pahnih khat in ralhrang kawlralkap hna nih security an lak. Council President rian sinak ka ngah mi hi Pathian khuakhan a si ko tiah a chim rih. Kachin ram hi mipi ta a si pin ah ka inn zong a si caah hi tiin rian khinh mi hi ka laknak asi.

Culawng siloin a peh tthan rih mi cu Sandah piah nak thawng in ralhrang kawlralkap cu hlauh khawh an si la loh tiah a chim chap rih. Kawlram ah kum 60 a rauh hnu ah 2008 constituition a vun um ruang ah Democracy hi kan ram ah a chuah nak a si tiah Pu Khat Htein Nan nih cun a chim tthan rih.

Be the first to comment

Leave a Reply

Your email address will not be published.


*