APOITUK EE, RALHRANG KAWLRALKAP AN DIRPI RUANGMANG CANG

Ramkhel Party (28) nih Ralhrangbu Thazaang kan pek,kan bawmh lai tiin cathanh an chuah USDP le WNP telhin ramchung ramkhel 28 nih ralhrangbu nih 2020 rampi thimnak result a hrawh mi le a thiangmi thimnak a tuah mi cungah tha kan ti i, kan bawm lai tiin nihin August 4 ah cathanh an chuah.

Ramchung daihnak a um khawhnak dingin ralhrangbu nih a zuamnak cung le ralhrangbu nih covid-19 a dohnak kong zong ah minung, thilri, tangka thazaang in kan bawm lai tiah cathanhnak ah an langhter.Innhngak cozah nih vuanci rian cheukhat a thlenmi le a then mi cu rian thawng ceuhin a kal khawhnak ding le a dingfelmi thimnak tuah khawhnak caah tuahmi a si caah a tha kan ti.

Innhngak cozah nih Agriculture base – industrial business economic policy a ngei mi cu khuate ah a ummi mi tam deuh caah thanchonak a si caah thate in kalpi khawh a lai kan zumh.2021 July 29 ah UK nih a tuah mi Kawlram kong ceihnak Arria Formula meeting ah NUG palai le ram leirawi ruangah rian in phuah cang mi le tazacuai lio mi U Kyaw Moe Htun a kai ve mi le bia a chim mi cungah kan thangchiat.NUG he a pehtlaihmi vialte cu ralhrang phu he a tuanti mi an si caah i ralring dingin cathanh an chuah. Tachileiknewsagency

No description available.

Good News: CDF Zophei an dirh cang. Hi konghe pehtlaiin CDF Zophei nih thanhnak an tuahmi cu, Myanmar ram ralhrang phu nih November 8,2028 thimnak ah mipi nih thimmi mipi Cozah phu hruaitu hna cu phungning loin an tlaihkhih hna i, February 1 ah hramhram in uknak an laak. Cu an tuahsernak ruangah ram pumpi in duhlonak langhter asi i,

Ralhrang phu nih daitein duhlonak a langhter mi mipi hna tlaihkhih le thahnawnnak a phunphun an tuah caah hriamnam hmuh khawh mi cio tlaih Chinland hmunkip ah CDF cu April 4 thong in rak dirh a si.Cu bantuk in Ralkap uknak chiahru tlakter ding, Federal Democracy hmuh khawh nakding ah kannih Zophei zong April 16, 2021 in cawlcangh hram kan thawk i CDF Zophei tiah min pek in Zophei tlang chung ah dirh ve a si cang.

CDF Zophei cu ramkhel kongah CNF thithruainak in kal a si lai i, CNA, CDF, NUG nih dirhmi PDF le Tlangcung hriamtlai phu dangdang hna he i bawm in kan doh ti lai. CDF Zophei nih ralhrang lawng silo Innhngak Cozah ah aa telmi upa pawl, anmah he pehtlaihnak angeimi le anmah sin ah thawng a peetu Dalan hna cu faakpi in kan doh lai tiah hi cathanh in kan langhter. Pehtlaihnak. 0967665284

Be the first to comment

Leave a Reply

Your email address will not be published.


*