AA NIH RALHRANG KAWLRALKAP AN LUH HNAWH HNA, MOTOR 7 RALHRANG AN PHAN

Kyauktaw ah AA Nih Ralhrangbu Hriamnam An Chuh Hna. Rakhine ramkulh Kyauktaw Maharmuni pura ah umhmun a khuar mi ralhrangbu cu nizaan June 26 suimilam 12 hrawngah AA nih an luhhnawh hna i hriamnam cheukhat an lak piak hna tiah theih asi.Mit in a hmumi nih a chim ning ah AA nih an luhhnawh hna i, rallokap pawl cu an bawh ter dih hna hnuah an meithal an lak piak hna i, an kir tak hna.

Tuzing lei cu ralhrangbu mawtaw 7 leng an rak phan tiah a ti. Hi kong he pehtlaihin ralhrangbu lei nawlngeitu pawl chawnhkhawh an si lo. AA chimnak nawlngeitu Khai Tu Kha nih “mahka hmun hi mino pawl an buai pah lengmangnak hmun asi. Atu cu an dai cang ko” tiin a chim. Credit: TCP

Three suspected Arakan Army members detained in Bangladesh | Mizzima  Myanmar News and Insight

Relchih:Lung A Nuam Kho Hrimhrim Lo Hi Teh! Ka miphun hna lungkhat tein ttan la chin lengmang ko hna usih,kan i bat mi cu,teinak hmuh ding lawnglawng kan i bat mi a si ko caah lam laklawh ah maw kan dinhpi ciitceet lai ucih ti hi a tu kan dirhmun nih cun kan dihlak a kan hmun zoh in a kan sawm dih. A hohmanh kei nuhmei ka si, kei pahmei ka si, kei nungak ka si, kei tlangval ka si, kei tar ka si, kei no ka si tiawk kan ttha hrimhrim lo.

A ruang cu,a tu kan ral nih hin a tar le a no zong thleidannak a ngeih lo caah kan nih zong nih i pheetchem phun in kan um awk le kan chim relawk a ttha hrimhrim mi a si loh hi teh. Zahan tiang in Chinram ah tam chin lengmang in ralhrang pawl cu an kai chin lengmang ko hna i,an umnak pawl hlat lengmang cio tik ah le khualhringtlang lei kulh phun deuh lawng te in, Falam peng, Falam in Chuncung khua karlak lampi khuate ah hin an cam tung ko hna ti a si.

MNF i a rak um bal ve mi,Punghaka nih cun,vai ralkap nih kan umnak an theih i a kan nam ngam zawklo ahcun,hnuamsam tete khin an ralkap kha kan pawngkam neihdeuh lengmang ah an chiah an chiah hnu i khua mipi hna zong hnahnawhnak pe lo tein an i umter i kan tam kocang an ti in nikhat te ah an kan kulh ciammam i an rak kan kah tiah a rak chim.

Cucaah a tu an cawlcangh ning le MNF chan lio i an cawlcangh ning,a rak i tel mi nih an chim mi he pehtonh tikah ai lo ngaingai in ka hmuh i keimah lungrethjeih in ka rak i theihseek len ve.Hi kong ah kan ralkap lei le kan pa lei nih khuakhannak ttha taktak mi cu an kan ngeih piak kocang lai ti zong ka zumh chih fawn caah khatlei cun ka hna ka van ingamh ruangmang tthan.

Be the first to comment

Leave a Reply

Your email address will not be published.


*