A RANNAK IN SHARE CIO UH, LUNGLER PANH IN RALHRANG AN KAL CANG

Breaking News: Share zokzok hna usih. Ralhrang kawlralkap pawl cu atu hi Sopum khua lei lam in Lungler khua panh dingin an i thawh ti asi. Atu a kalmi ralhrang kawlralkap hna hi Hakha lei in Thantlang ah an rak lut. Cun a tuhi Sopum lam in Lungler khualei panh in an kal cuahmah ti asi. Thawngpang i chimcio hna usih. Bawipa nih CDF/CNA rungveng ko hna seh.

Myanmar Military Versus Ethnic Armies Would be 'David and Goliath Contest':  IHS-Janes Expert — Radio Free Asia

Thawngpang dang:Khua chung ah hmun hma la mi ralhrang phu hna chung in Covid-19 zawtnak an hmuh mi pakhat cu a thih caah Chin ramkulh Matupi khuachung cu nihin thok in ni khiah um lo in Lockdown a si tiah khuami hna sinin theih a si. Matupi nithlak lei Khu Bawi veng le (140 )Battalion chung in September 12 ah Covid zawtnak minung 2 cung in hmuh a si i minung pakhat a thih hnu ah rawl dawr le sii dawr dah ti lo dawr khar dih ding in an chimh hna i khuachung cu lockdown tiah an thanh.

Abik in (140) Battalion chung in ralhrang pakhat le a nupi sin in Covid zawtnak an hmuh. Anupi cu nizaan ah khan a thi. (140)Battalion cu Pha Naing k(ဖနိုင္) khua he a peh caah chuak lut an tam i i chawnh a fawi tuk ruang ah lockdown an ti nak a ruang a si lai tiah khua mi pakhat nih a chim.Tu zong ralhrang umnak riahbuk ah Covid a um le um lo chek lio pi a si.Matupi Siizung ah a tlop mi Covid mizaw 11 an um i minung 2 cu an dam than cang sii zung in an tum cang, nu pakhat a thi .A tu siizung ah a um rih mi hi minung 8 an um rih tiah theih a si.

Cabia Dang: UN nih NUG hi phungning cozah ah kan cohlan piak sual hlah sehlaw kan Dothlennak kan ngol lai maw? Zahan tlaipi tiang, cun nihin ka thawhka in tutiang hi kong hi ka ruat.UN nih nihin chun meeting ah NUG hi phungning cozah ah cohlang sual hlah sehlaw ti ruah ah mizapi kan lung a zor tuk sual lai maw ti ka phang.

Mi raltha Con Bik, Lal Luai, Vomthu Maung, Hrang Nawl chan in Vawlei nih an um ve ti hmanh an kan hngalh hlan zongah Minthang Mirang ralpi hmanh phaw le nam he a rak dirh ngammi Miphun kan si nak philh riangmang in kanmah lawng cun kan tei bal lai lo, kan thazaang aa thlau tuk, kan hriamnam aa thlau tuk, kan ba tuk tiah kan lungdong sual lai maw ti ka phang.

UN nih a kan cohlan zongah China le Russia sin dah loin hriamnam cawkzalhnak hi thilfawi a si hlei lo caah an kan cohlan zongah vukvek tiah zingzan in kan thawng colh kho hlei lai lo. China, Russia le US, EU pawl kar i entainak tu a thawng lai i Cold War lio bantuk khan anmah le interest cio ruat pah in an chuncaw vaihlam fang khi kan si pah thiam ko lai.

Cucaah kan innpa voksa chumhmi hngar i rawlei kathaw loin um nak cun kan ngeihmi bawnbok meh te kha a thaw bik in zeitin kan chumh lai timi tu kan ruah kha kan pawkhim deuhnak a si ko lai.UN cu kan bochan, Vawlei pi kan bochan hna. Asinain kan ruahning bang si sual hlah kun kan lungpur lo ding a biapi tuk. Kan chung thari kan ithawnter a herh.

WA, Kokant, Mailar, Shan, Karenni, Kachin, Karen, Shan, Mon, Chin, PDF vialte kan ttan tti ahcun hi MAH le a minung pawl kan tei hna lo nak ding sullam a um lo. Cucaah NUG nih UN lawng bawh siloin hi tlangcung hriamtlai vialte hi a kuutriit khawh hna, a komh khawh hna ding a biapi tuk. Tlangcung hriamtlai pawl nih NUG zong hi USDP te NLD te em ang in kawl thotho an si ko tiin hmuh loin zumhngamhnak (Trust) an ngeih khawhnak ding a biapi.

UN zong nih kan cohlang loin Miphun vialte zong nih hnu kan chit hna hmanhseh a Nung Pathian kan lei a ttan ahcun ho nih dah an kan tei khawh lai. Zeipaoh tlung ai kun Bawipa thawngin kan dirhmun fek sehlaw kan lungthin le thazaang thawng ko seh!Teinak cu Bawipa ta a si. Credit: Salai Ngun San Aung

Be the first to comment

Leave a Reply

Your email address will not be published.


*