A POITUK HRINGHRAN. RALHRANG NIH YANGON AH LAIPA AN TLAIH EE

Yangon ah a um mi Laimi engineer pa te cu SAC ralkap nih an tlaih. Yangon Thinkan Kyun township ah a um mi Laimi engineer rian a tuan mi Kawl Thang Vuta kum 33 cu July thla ni 1 zaan nazi 11 ah SAC ralkap hna nih a um nak inn ah an rak tlaih tiah theih asi. A mah cu a ngan a dam lo mi asi I sii a thlop cuahmah lio mi asi.

Zeiruang ah an tlaih ti theih a si rih lo. Cun khoika ah an chiah zong theih asi rih lo I a kong hlathlai piak tu ding ah bawmh kan herh tiah a unu nih a chim. A hlan ah cun a unu te sin ah a um nain a unu le te cu Kalay lei an rak tlung caah a mah te lawng a um lio asi tiah theih asi. Kawl Thang Vuta cu Kalay Technology sianginn ah a rak kai mi asi I sianginn a kai lio ah Mizo sianghngakchia hruaitu a rak si bal.

May be an image of 1 person and text

Thawngpang Dang: Chinmi cungah AA cawlcangh ning cu lungrawk ngai a si ko. AA nih Chinmi hna cu hramhram in raltuk ning cawng dingin an hruai hna tiah theih a si. AA nih Chinram Paletwa peng, Bangladesh ramri ah a ummi Pichaung auhsuh ah a ummi khua 30 hna cu AA ruangah buainak tampi an tong hna tiah theih a si. Hi konghe pehtlaiin a tanglei bantukin thanhnak an tuah.

AA ralkap hna nih khuami hna cu khuakhat ah minung pathum nan rak thlah hna lai tiah halnak an rak tuah hna. Hi nawlbia a zul lomi paoh cu nan khua kan khangh lai tiah an hrocer pin hna ah khuami hna cu nan khua nan chuah taak hna lai tiin an hrocer hna. AA nawlchuah mi konghe pehtlaiin khuami pakhat nih atanglei bantukin a chim.

Kan hnu te ah khan AA ralkap hna cu kan khua an rak tlung i, minung an rak kan hal. Kan ti mi hna cu kannih khuami cu minung kan tlawmtuk tiah kan ti hna. Asinain minung nan thawh hna lo i, nan rak chuahpi lo a si ahcun khua in chuak uh, Hi ka hmun hi Chinram a si lo Rakhine ramchung a si tiah aa kan ti. Cu hnu ah khuami minung pahnih hna cu an duh na loin an hruai hna tiah a chim.

Hi konghe pehtlaiin khua dang minung pakhat nih a chim tthan rih mi cu kannih khuami chungin minung pathum hna cu an kalpi hna. Khua pakhat ah minung pathum cu AA ralkap ttuan a hau. Cu i nan duh lo a si ahcun hramhram in kan in hruai hna lai. Cun nan duh lo asi ahcun nan khua kan khangh lai tiah aa kan hro tiin a chim rih.

Zapi nih theihcio bangin Arakan Army hna cu a liamcia kum 2019 thok in Chinram chung Paletwa ah umhmun an khuar hna. AA ralkap pawl an um ruangah khuami tampi hna cu an khua an chuahtaak cang. Tutan ah a cunglei bantukin khuami an hrocer mi hna hi zoh lengmang tikah AA hi an luan ngai cang. Nan umnak hi Chinram a silo an timi hrimhrim hi cu lung a nuam lo ngai tiah comment ah an tuah.

Thawngpang dang:Sagaing ramthen Kawlin peng ah KIA le PDF fonh ralkap nih ralhrang umhmun an kah ralhrang a thimi an tam. Sagaing ramthen.Kawlin peng Titsaihkung um ralhrang rallokap umhmun cu KIA le PDF fonh ralkap nih nihin zinglei suimilam 10 ah an luhhnahw i tiah thawngtheih asi. Zanlei suimilam 4 tiang ah i kahnak voithum a chuak tiah theih asi.

I kahnak ah KIA,PDF lei in hliammi an um lo nain ralhrang lei in hliammi le a thimi an tam tiah theih asi. Cu hlei ah Sagiang in Kachim ramkulh ah hriamnam thazaang tling in a rak phur mi mawtaw panga cu KIA Brigade 5 Batalian 5 phu le Kawlin mipi ralkap hna nih Kawlin panwgah an kah hna i mawtaw pathum khangh an si.

Mawtaw cungah a ummi rallokap hliammi le a thimi an tam tiah theih asi.Ralhrang rallokap an fahtuk caah Kawlin khua chungah hriamhme he hriamngan he mipi inn le lo an kahnak ah hriamhme kuan nih nu pahnih a hliam hna. Zahan zaanah Kawlin peng Zuashi khua ah ralhrang sinah thawngpe tu mirawitu(Dalaan) min ngei pakhat thah asi. TCP

Be the first to comment

Leave a Reply

Your email address will not be published.


*