A POITUK EE, RALHRANG RUANGAH MINO 5 AN THI EE. RIP

Ralhrang Nih Mino Tlaih Dingin An Dawi Hna,Inncung Inn An Tla,Panga An Nunnak Liam Yangon ah ralhrang phu nih tlaih ding in dawimi mino minung 5 cu inn cung in an tlak caah an nunnak a liam, minung 2 cu fakngai in an tukvelh hna hnu ah an tlaih hna.Yangon Butathawng(ဗိုလ္တေထာင္)no.44 lam ah ralhrang phu hna nih inndal(တိုက္ခန္း) pakhat an luhhnawh hna j mino minung 5 cu inncung in an tlak caah an nunnak a liam.

Minung pahnih tlaihkhih an ton nak kong cu no.44 ah a thu dir mi hna le an ruak a fimtawl tu mi bawmchantu phu in rian ngeitu nih an chim.Nihin chunhnu ah ralhrang phu hna nih lam no.44 lei cu an luhhnawh hna i,minung 5 cu an nunnak a liam, minung 2 cu tlaihkhih an tong tiah theih a si. Ralhrang phu hna nih an luhhnawh hna caah mino hna cu inn cung lei ah an zaam i an tlak nak hi a si.

Minung 5 cu an tlak le cangka an nunnak a liam colh.Mibawmchan tu phu hna nih an ruak cu an kal pi,minung 2 cu ralhrang nih an velh hna hnu ah an tlaih hna, an lu an khuh hna i an kal pi hna, an velh lio hna cu ka hmuh ” tiah mithmu tu pakhat nih a chim.TCP

No description available.

Thawngdang: Pearl Store (2) Ngeitu U Zi nih Dawrkhaan Alak in a Hlanh Hna.Hakha khua, Pearl Store (2) a ngeitu U Zi nih dawrkhaan a hlanhmi hna chungkhar pahnih cu dawrkhaan man lak loin alak in a hlanh hna caah dawrngeitu Saya Khup Pi le Lian Lian nu nih lunglawmhnak an langhter.Nihin zinglei ah saya Khup Pi le Lian Lian nu dawrkhaan man pek ding in U Zi sin ah an vung kal i U Zi nih atulio boruak ruang ah har cio a si i, tu thla cu man loin kan hlanh hna, tiah a rak ti hna.

Saya Khup Pi nih, Tu thla cu free in si ko seh aa kan ti. U Zi tlawmpal tu kan tthum law kan i pek ko lai kan ti zong ah atulio kan boruak ah cun ahopaoh harlefe in khua kan sak cio hna lio a si. Tu hnu hmailei zong ah kan boruak sining zoh in kan kal te hna lai. Tu thla hi cu free in si ko seh a kan ti, tiah a chim. U Zi dawrkhaan a hlangtu saya Khup Pi hi thla khat ah 120,000 hlan man a pek tawn i, Lian Lian nu hi khaan hnih a si caah thla khat ah 240,000 a pek tawn.

Atulio kan sining ruang ah dawr kai loin kan um tik ah dawrkhaan man pek ding kan ruah ah kan lungre a thei i, kan khing a rit tuk tawn. U Zi nih atu bantuk in a kan tthumh dih tik ah kan khing a zaang dih i kan i lawmhnak hi hmurka hmanh in chim khawh a si lo. Hi bantuk lungput hi Laimi nih kan ngeih cio a herh, Pathian zong nih a duhmi a si, tiah saya Khup Pi nih The Chin Journal hmang in lunglawmhnak bia a chim.

Be the first to comment

Leave a Reply

Your email address will not be published.


*