A POI TUK, KALAYMYO AH RALHRANG NIH TAMTUK AN TLAIH HOI HNA

Ralhrang kawlralkap nih Kalaymyo ah minung pahra nak tlawmlo an tlaih tthan hna. Tuni August ni 26 ah ralhrang kawlralkap le palik hna nih lamzawhmi hna cu an tthawl dawi hna hnu ah minung pahra renglo an tlaih hna tiah theih a si. Tuzing ah Aung Min Man sangah lamzawhnak a tuahmi hna cu uniform aa hruk lomi ralkap le palik nih meithal he an rat hnawh hna.

Motor pali in an ra i, minung sawmnga hrawng an si i, lampi pali ah an kham hna i, minung an tlaih hna. Palik le ralkap pawl nih lamzawhtu hna cu an kawl hna i, inn chung tiang lut in an kawl hna. Lampi ah minung aa chawkvak mi zong an tlaih rih hna. Culawng siloin cycle panga an lakpiak hna i, an tlaih mi hna hi nu pariat le pa pali an si.

Cun kumtling lo minung zong an tlaihmi chungah an i tel hna tiah theih a si. Hi konghe pehtlaiin Nizan Aung Thet Sa sang zongah palik le ralhrang kawlralkap hna nih inn pakhat an kulh i, hmunkhat rawl a eimi minung pahra renglo zong an tlaih rih hna. Cun Myomah palik zung pawngah inn tthenkhat zong khual cazin check in minung an kawl rih hna pin ah tangka tingruk an lakpiak rih hna.

Tutan ah ralhrang kawlralkap le palik hna nih lamzawhtu an tlaih hna nak a ruang cu lamzawhtu chungah PDF pawl an i tel timi thawngpang hman lo an theih ruangah asi tiah an chim. Kalaymyo ah ralhrang kawlralkap hna nih uknak an lak hnu in sualnak ngeilo minung sawmli renglo an nunnak a liam cang i minung zakhat renglo an tlaih hna tiah an langhter chih.

Thawngpang dang: CDF-Mindat in Mino Pahnih an Nunnak a Liam, August 25, Mindat peng, Palei-Htwe khuate ah a cangmi CDF-Mindat le SAC ralhrang kahdohnak ah CDF-Mindat in mino pahnih an nunnak a liam, tiah CDF-Mindat nih thawngpang an chuah.A nunnak a liammi minung 2 chung ah pakhat cu a paw ah meithal in an khen. A dang pakhat hi nihin chun ah ramlak ah a ruak kan char.

Meithal kuanhma in a thi ve,” tiah an langhter. Ramlak ah an hmuhmi pa hi SAC ralhrang nih an tlaih i an hrem hnu ah an thah, tiah an rak ruahmi a si.SAC ralhrang nih an hrem hnu ah an thahmi si loin raldohnak ah kah a ton caah a nunnak a liammi a si, taih CDF-Mindat nih thawng fianhnak an tuah chih.

CDF-Mindat မှ ၂ဦး တိုက်ပွဲတွင် ကျဆုံး. ဩဂုတ်လ ၂၅ ရက်နေ့က မင်းတပ်မြို့နယ်၊ ပလိပ်ထွီရွာ တွင်ဖြစ်ပွားသော တိုက်ပွဲတွင်် CDF-Mindat မှ တပ်ဖွဲ့ဝင် ၂ဦး ကျဆုံးပါတယ်။ တစ်ဦးကတော့ ဝမ်းဗိုက်ဒဏ်ရာနဲ့ကျဆုံးခဲ့ပြီး နောက်တစ်ဦးရဲ့အ‌လောင်း ကတော့ ဒီနေ့နေ့လယ်ပိုင်းတွင် တောတွင်းတစ်နေရာမှာ ရှာတွေ့ခဲ့တယ် လို့ CDF-Mindat မှ သတင်းထုတ်ပြန်သည်။ Credit: The Chin Journal

Be the first to comment

Leave a Reply

Your email address will not be published.


*