ZUALKO. DR KAM CIN DAL NIH MUAL AA KAN LIAM TAAK

Dr. Kam Cin Dal A Nunnak Liam. Dr. Kam Cin Dal (kum 80) cu tuzing July 17 suimilam 12:35 AM ah Kalay khuapi Taungzalet veng i an inn Hollyday Villa ah a nunnak a liam. Dr.Kham Cin Dal cu CNLD Chiarman Pu Zo Zam le Yangon Kah-Ngiah-Nah bawi Pu Lian Cin Mang(pension) hna he unau chuakkhat an si i 2015 rampi election zongah Chin Affairs Minister (CAM)Candidate a rak si. Dr. Kam Cin Dal i rian a tuannak hmun pawl cu Tedim, Mindat, Kanpetlet, Tonzang, Hakha, Tounggyi, Mandalay, Mague, Pathein, Yangon hmun hna ah an si. Credit: TCP

May be an image of 1 person

Thawngpang dang:Kalaymyo ah bomb a puak. Tuzing suimilam 12am ah Kalaymyo Sanmyo sang, KBZ Bank pawng Kanthurah lakphak dawr hma lampi ah bomb a puak. Bomb a puah ruangah pawngkam inn pahnih cu an thlalang-awng a khuai dih tiah theih a si. Bomb a puahnak hmun hi electric tung pawngah hrawngah a si tiah an chim.

Hi bomb puahnak ruangah a nunnak a liammi cu an um lo nain inn thlalangawng a kuai hna. Inn chungah a ummi pawl hliam an tuar le tuarlo tutiang theih a si rih lo. Kalaymyo ah hin atu le tu ti awk in bomb puah thawng theih pah lengmang asi. Asinain chiatnak ngaingai cu a chuak rih lo tiah an langhter. Bomb a puah hlan deuh ah hin Helicopter a zuang tiah khuami nih an chim.

Ralhrang le Kalay PDF thawngpang: Kalay PDF nih ralhrang kawlralkap minung pariat an kahthah tthan hna. Kalay PDF le ralhrang kawlralkap hna cu nihnih chung an i kap. A ni hnihnak an i kahnak ah ralhrang kawlralkap minung pariat an thah tthan hna. Hi konghe pehtlaiin Kalay PDF lei nih thanhnak an tuah mi cu Kalaymyo thlanglei Ashae Sae pawngah umhmun a khuarmi ralhrang kawlralkap le PDF cu July 16 zing suimilam panga ah kahnak achuak.

Kahdohnak ah Kalay PDF nih ralhrang kawlralkap minung pariat kan thah hna i, ralhrang kawlralkap lei nih hriamnam ngan an hman caah Kalay PDF lei in hliamhma a tuarmi hi minung paruk hrawng kan um. Asinain an hliamhma hi afaktuk lo. Ralhrang kawlralkap hna nih Kalaymyo thlanglei lak an timhmi hi Kalay PDF nih kan kham peng hna lai caah Kalay le Kankaw karlak motor akalmi hna ralring tein um uh tiah ralrinnak an tuah chih hna.

Ralhrang kawlralkap le Kalay PDF a nikhatnak an i kah ah ralhrang kawlralkap lei in minung 17 an nunnak arak liam. Kalay PDF lei in minung pahnih an nunnak aliam ve. Cun mipi sawhsawh minung pahnih an nunnak aliam tiah thanhnak an rak tuah. Ani hnihnak nizan i kadohnak ah ralhrang lei pariat an thi tthan i, nihnih chung i kahdohnak ah ralhrang 25 an nunnak a liam. kahdohnak ruangah Ashae Sae le Dow Nwe cun Tinta, Kyauk Pho khuami minung thongthum hrawnghrang hna cu khua ah um ngam tiloin a himnak hmun ah an zaam hna tiah an langhter.

Be the first to comment

Leave a Reply

Your email address will not be published.


*