ZRA NIH CNA RALKAP TUAN PENG LIAN AN KAHTHAH

ZRA le CNA i kahdohnak ah CNA ralkap pakhat Salai Tuan Peng Lian a nunnak a liam. March ni 23 zanlei suimilam paruk le cheu ah ZRA le CNA hna cu Tedim peng India ramri pawng ah i kahdohnak a chuak. I Kahdohnak ah CNA ralkap lei in minung pakhat a nunnak a liam tiah tuzing ah theih a si.

ZRA le CNA an i kahdoh caan hi March Ni 23 zanlei suimilam paruk le cheu in aa thok i suimilam pasarih tiang an i kap tiah theih a si. CNA le ZRA hi an i kahnak a voihnihnak si cang. Nikum December thla zongah an rak i kap bal cang. Hi konghe pehtlaiin CNA lei in pakhat nih a chimmi cu ZRA an si ti kan theihnak cu an meithal hmanmi in a si. M16 le G3 an hman. Minung hi 20 hrawng an si tiah a chim.

May be an image of 1 person, sky and tree

Thawngpang dang. Myanmar buainak a zual chin i SAC ralkap le tlang cung hriamtlai phu hna kahdohnak a chuak peng ruangah umnak a chuahtak mi minung 900,000 deng an phan cang, tiah UN Office for Coordination of Humanitarian Affairs(OCHA) nih an thanh. Myanmar ram nichuah thlanglei le nitlak chaklei ah buainak a faak chin lengmang i kahdohnak ruangah umnak chuah tak in a zaam mi hi 2022 March 14 tiang ah minung 889,500 an si cang, tiah OCHA nih an cathanh ah an langhter.

Umnak chuah tak in a zaam mi hi 2021 February hlan tiang ah minung 370,000 tiang an rak si i, SAC ralkap nih uknak an laak hnu in a zaam ṭhan mi minung 519,500 an um tiah an langter. Ramkulh le ramthen kip in Myanmar ram nichuah thlanglei ah minung 228,900 tluk an um. Kaya (Karenni) ramkulh ah 93,800, Karen ramkulh ah 69,100,

Shan ramkulh thlanglei ah 54,000, Mon ramkulh ah 7,500, Taningtari ramṭhen ah 3,700 le Pago ramṭhen ah 800 cu umnak chuahtak in an zaam hna, tiah theih a si.UNOCHA nih umnak a chuah tak mi hna an bawmhnak ah umkalnak le thil cheknak ding ah harsatnak an tong nain bawmh a herh mi hna caah emergency in bawmh khawhnak ding le humhimnak pek ding kan i zuam cuahmah lio, tiah an chim.

Be the first to comment

Leave a Reply

Your email address will not be published.


*