ZOHCHUNTLAK KHUA, A SUNGLAWITUK, THAWNGPANG TTHA

Global Zephai Nih Chin National Army(CNA) Cu Motor Le Computer Cawknak Ah Dollar 40,000 An Pek Hna.Vawlei cung ramkip um, Global Zephai nih Chin ralkap CNA ca ah motor, computer le thilri dangdang an herh baumi cawknak ca ah dollar 40,000 an pek(hlut) hna, tiah theih a si.

Global Zephai nih CNA ca ah motor, computer le thilri dangdang a herh baumi cawknak ca ah dollar 40,000 nan kan pekmi cung ah lunglawmhnak tampi kan ngei, tiah Chin National Front (CNF) Headquater, Camp Victoria in Fianance and Revenue Department Office nih lunglawmhnak cathanh an chuah.

No photo description available.

Thawngpang dang. Ralhrang inn 42 an khangh tthan. Khua 7 in minung thongkua renglo nih khua an chuahtaak tthan. Sagaing ramthen Kanh Ba Lu peng, Yaw Chaung khua cu ralhrang kawlralkap hna nih inn 42 an hrawh khangh dih tiah thanhnak an tuah. Ralhrang kawlralkap Khahmahyah 363 hna nih Yaw Chaung khua cu October ni 6 ah a volinak an khangh.

An khanghmi hi inn 42 a si i, Yaw Chaung khua ah inn a dihlak in inn 40 hrawng lawng a taang cang tiah theih a si. Ralhrang kawlralkap hna nih hikhua hi a tu le tu tiawk in an khangh i a tuhi a voili nak a si cang Hi khuachung ah inn an khanghmi hi inn 139 a si cang i, atu hi inn 40 hrawnglawng a tang.

Cun khua 7 chungin minung thongkuarenglo an zaam hna tiah an thanh chih. Kanh Balu peng ah ralhrang kawlralkap hna hi October ni 4 thok in luh hram an i thok i, Yaw Chaung le Tin Daw, Lwin Kyi le Alaykhone, Yaw Kone, Tatta le Auhte khua chungin minung thongkua renglo in an inn an chuahtaak tiah theih a si.

Be the first to comment

Leave a Reply

Your email address will not be published.


*