ZOHCHUN TLAK TAKTAK PASALTTHA NUSALTTHA AN CHUAK. MINUNG 100 LENG AN SI

Hakha Peng COVID-19 Runvennak Rian ca ah Mino 100 Leng Pum an i Pe. Hakha peng COVID-19 runvennak le mizaw pawl zohkhenh thlopbulnak rian ca ah mino 100 leng nih pum an i pe, tiah Hakha Township Public Healthcare (HTPH) nih thawngthanhnak ah an langhter.Volunteer pawl cawnpiaknak cu HBA le Zion ah July 25, 26, 27 ah an tuah i sii lei fimthiamnak a cawng liomi Medical Student mino 17 telh in pum aa pemi mino 100 leng an si hna.

May be an image of 3 people, people standing and indoor

June 10 thawk in Hakha ah COVID-19 zawtnak a ngeimi minung 300 leng hmuh an si i minung 8 an nunnak a liam. July 26 tiang ah minung 211 nih damnak an hmu.Nihin (July 28) zong ah minung 22 an check hna i minung 8 sin in zawtnak an hmuh tthan, tiah kan theih. Credit:The Chin Journal. 

May be an image of 2 people, people standing and indoor

Thawngpang dang: Mindat le Kanpalet Kar Ah Ralhrang le CDF -Mindat Fakngai In Kahnak A Chuak Nizaan July 27 zinglei ah Mindat peng Shwe Awng Tha le Shwe Dwintoe khua kar ah ralhrang rallokap phu hna nih khuami pakhat a caw cu thah piak in an ei. Mindat khuachung Mindat-Matupi meng 5/6 hrawng ah a um kal mi,mipi hna cu ralhrang rallokap phu hna nih meithal tinh in phone le phaisa cu an chuh hna tiah theih a si.

Chunhnu suimilam 11 hrawng ah Mindat nitlak lei, Mindat-Kanpalet ramri ah kaphnih kar fakngai in kahdohnak a chuak, hliamtuar le nunnak liam mi kong ah fiangtein theih a si rih lo. Mindat khua in ralzaam dirhmun in a ummi,mipi tamdeuh an i thialnak hmun Magway ramthen chung ralzaam umnak sakhan ah Covid-19 zawtnak ruang ah mitam hi positive an si lai ding phan a um.

Mindat-Matupi lam kahdohnak ah CDF in nunnak a liam mi mipi ralkap pakhat ruak cu nizaan ah an hmuh i Matupi -CDF nih an Facebook ah ngaihchiatnak ca an langhter. Mindat khua mi mibawmchantu phu hna nih an langhter mi ah Mindat khua ah Covid-19 zawtnak ngei mi, minung 6 an i chap i, positive dihlak hi minung 21 an si, a dam than cang mi hi minung 5 an si.

Be the first to comment

Leave a Reply

Your email address will not be published.


*