UPDATE: RIP. CDF LEI IN RAM CAAH NUNNAK PEMI MIN AN LANGHTER

Update: Nizan ralhrang kawlralkap le CDF i kahnak ah CDF Mindat lei in a nunnak aliammi min an langhter cang. Nizan i kahnak ah CDF-Mindat lei in ram le miphun caah nunnak ape mi hna cu Salai Thang Mang le Salai Han Phe cun Salai Ngai Sang Mang hna nih ram le miphun caah an nunnak an pek. CDF-Mindat lei in minung 20 hliam an tuar.

Nizan June ni 6 Mindat pawng i kahdohnak ah ralhrang kawlralkap minung 50 hrawng an nunnak aliam. Ralhrang kawlralkap le CDF-Mindat hna cu Chaungsung khua pawngah fak ngaiin i kahnak a chuak. Nizan i kahnak ah hin ralhrang kawlralkap nih cunglei Helicopter tiang an kah hna i, an kahnak hriamnam zong hi Chemical aa telmi asi tiah an chim.

Khonumthung English - Posts | Facebook

Saya Sang Hre Cabia:Australia Hakha-Thantlang Lei U Le Nau Hna.Kan pengtlang ca cawlcangh hi cu ngol deuh hna uh sih law Mindat hi zuan hnawh deuh hna uh sih tiah kan sawm ko hna. Bomh an herh tuk hringhren lio caan a si. An khua an chuah tak thluahmah cang. An upa te he meeting voi tampi kan tuah cang. A ra lai mi zongah kan tuah rih lai.

Kan mah sin ah bomhnak pek khawh zong a si. Matu lei cu kan sin ah bomhnak an pek cuahmah cang. Atu zong Ting 80 hrawng kan kuat chung cang hna. Kan pengtlang ca cawlcangh hi a tha ko. Asinain, Mindat bantuk thil an ton tikah fak piin kan zuam hnawh ve ko hna lai. Hi tluk kan unau an thih cuahmah zongah kan pengtlang pin i mit kan au lo ahcun a poi tuk ding khi a si.

Mindat – Senthang le Hakha siseh, Falam lei zong Mindat le Senthang bantuk a fah deuh tikah fak piin kan zuan hnawh hna lai. Kan $$ 10 hi a biapi tuk hringhren ko hih. Mindat ca’h bomhnak pek a duh mi cu kan Council bank details pek khawh nan si. Credit: Sanghre.

Be the first to comment

Leave a Reply

Your email address will not be published.


*