UPDATE: BIAK INN PAKHAK ARAWK, HLIAMTUAR AN UM, LUNGLER I KAHNAK

Update: Lungler i kahnak update an tuahmi kan vun langhter tthan ve. Thantlang peng Lungler CDF/CNA le ralhrang kawlralkap i kahnak ah hliam a tuarmi an um cang. Tuzing suimilam panga hrawng in kahdohnak an thok in tutiang meithal thawngpang a dai rih lo. Tutiang ah CDF lei in minung panga hliam atuarmi an um tiah an langhter.

Culawng siloin khuachung ah bomb a puah ruangah Methodist Church biakinn zong a rawk pah dih tiah an chim chih. Culawng siloin khuami mipi lei in minung pakhat zong hliam a tuar tiah theih a si. Thawngpang thar a um asi ahcun kan langhter tthan te lai tiah The Tahan Post nih a langhter. Bawipa sin ah CDF/CNA le khuami caah thlacam cio hna usih.

Yangon Khuasa Lungler Buu - Posts | Facebook

Cabia dang relchih: Ram buai ruangah mangṭam nih a kan tlak cuahmah. Kan ram nih a tonmi a muih cemmi chan cu kan chan he aa tong hna. Hi lioah mipi rawlṭam lo ding in a si khawh chung bawmh le chanchuah rian (rescue) hi a biapi tuk mi a si ti cu tuanbia ah a lang.Chungkhar 1,000 sinah ti le rawl pe kho ding in thla ka rak cam nain, Pathian nih ramchung ramleng ummi, ram dawtu hna le Pathian a duhtu hna hmangin chungkhar 14,000+ hna rawl kan pek khawh hna.

Hi bantuk Rawl kan i peknak ah ruahchannak, lungdonghlonak, khrihfa hna dawtnak le Chinmi hna lungput kan pek chih peng hna. Kan mipi rescue (chanhchuah) cu Pathian nih a kan fialmi a si bantukin, kan peh peng rih lai. တိုင်းပြည် ခက်ခဲနေချိန် မိသားစု ၁၀၀၀ ကိုအစားအသောက်မျှဝေဖို့ ဆုတောင်းခဲ့ ပေမဲ့၊ ဘုရားသခင်ရဲ့ကျေးဇူးပြုခြင်းဖြင့် မိသားစု ၁၄၀၀၀ ကျော်တိုင်အောင် မေတ္တာ ပြခွင့် ရခဲ့ပါသည်။ အစေခံခွင့် အတွက် ဂုဏ်ယူရပါသည်။ ဆက်လျက်မျှဝေသွားပါ့မည်။ Credit: Thawng Tha Thang

Thawngpang dang. Breaking News: Lungler ah CDF/CNA le ralhrang kawlrlakap an i kap. Thantlang peng Lungler ah CNF hruaimi CDF le ralhrang kawlralap hna cu tuzing september ni 10 zingka suimilam panga le cheu in an i kap cang tiah theih a si. Tuzing i kahnak ah hin Mipi vengtu lei hi minung zathum hrawng an si. Hi chungah 150 hi CNA an si tiah an langhter.

Ralhrang kawlralkap tu cu palik he minung sawmthum hrawng lawng an si, i kahnak ah a thimi le hliam a tuarmi an um le um lo theih asi rih lo. Hi lio caan ah Thantlang peng chung in ralzam hi minung zakhat hrawng an si cang. Farkawn lei ah an kal cang i, minung 15 hrawng hi ramri Tio tiva kam ah an um rih, Quarantine center a um ti lo caah an buai ngaingai ti asi.

Thekte khua ah ralzam minung sawmnga an um i, Khankawn khua ah ralzam sawmnga hna cu Quarantine ah chiah an si colh. Thekpui khua nih Tio ah a ummi hna cu an lak hna lai tiah Tahan Post ah minung pakhat nih a chim. I kahnak ruangah ramri ah a ummi hna cu an buai ngaingai ti a si. Atu Mizoram ah a zaammi hna Thekte khua ah inn 90 an um i, ralzam 200, Farkawn ah ralzam 800, Khankawn ah 60, Khuangthing ah 15, Khawbung ah 200, Zawlsei ah 100 ralzam an um ti asi.Crd: The Tahan Post.

Be the first to comment

Leave a Reply

Your email address will not be published.


*