TUZANLEI HAKHA KHUAPI THAWNGPANG, AMUI DIH VE

Gangaw-Kyaw kar Electric Tung a Rawh caah Hakha Zong Mei Mit. Nihin zaanlei ah Kyaw-Gangaw karlak ah Electric tung thingkung nih a tluk hnawh ruang ah Gangaw, Hakha le Kalay lei Electric mei an mit hna. Electric zung rianttuantu pawl nunhimnak ca ah tu zaan ah remh rih loin thazing zinglei ah remh an timh, tiah kan theih. Credit: The Chin Journal.

Hakha Night View from somewhere 😇 - Hakha SDA Church | Facebook

Adang Thawngpang. Bago Ah hlei ngak rallokap hriam tling he minung 5 an zaam Bago khua helnak lam cung ah a um mi Myo U Kin hlei hngaktu rallokap minung 5 cu August 22 ni ah an zaam tiah hlei a umnak Bago veng chung ah a ummi hna sin in theih a si.Hriamnam tling tein a ken mi rallokap minung 5 a zaam mi hna thawng pang cu a dik mi a si ti hi kan chimngam tiah Bago veng khuabawi lei he a neihniam mi pakhat nih a chim.

Tuan deuh zong ah rallokap minung 3 an zaam cang.Asinain mah lio kha cu an thawngpang a thang lo. Atu zong minung 5 an zaam i hriamnam tling tein an i zaam pi. Adang cu kan thei rih lo.A zaam mi Bago Myo-U-Kin hlei hngak rallokap 5 chung in minung pakhat cu an tlaih than tiah August 23 ah mi sawhsawh hna sin in thawng a leng nain DVB nih a dik tiah kan ti kho rih lo.

Thawngpang dang: AIPA Meeting Ah CRPH Kai Ter Ve Dingin DASE Chairman Nih A Nawl. European parliament chairman to ASEAN Mr. Daniel Caspary nih 2020 rampi thimnak ah mipi nih thim mi MP hna fonh mi CRPH cu AIPA meetingah sawm ve dingin a nawl.AIPA meeting hi CRPH nih kai ve dingin min an pek nain AIPA nih ralhrangbu palai cu observer in kai dingin an sawm caah CRPH nih AIPA cu democracy phung a buar mi le ralhrangbu a tanpi mi a si tiah an lungtlinlo nak an chim.

EU parliament nih ASEAN ram hna he pehtlaihnak (DASE) chairman tuanvo an pek mi Daniel Caspary nih AIPA meetingah CRPH an sawm lo mi cu khuaruah har a si. EU parliament nih ralhrangbu uknak a lak mi cungah zeitik hmanh kan tanpi bal lo, Kawlram mipi nih democracy an ngah thannak ding le ralhrang cawlcanghnak ngol i,

Zeihmanh phelhhleinak umlo in tlaihmi hna thlah dingin kan nawl peng rih lai tiah a chim. ASEAN inter-parliament Assembly hi ASEAN ram hna i a sang bik mi parliament meeting pakhat a si.A voi 42 nak AIPA meeting hi rotationg chairman Brunai ram hruainak he August 22 in 25 tiang tuah ding a si lai tiah theih a si. Credit: TCP

Be the first to comment

Leave a Reply

Your email address will not be published.


*