TUNI LE NIZAN CDF MATUPI LE RALHRANG AN IKAH NAK THAWNGTHA

Matupi Peng Ni 2 Kahawknak Ah Ralbawi Telin Ralhrang 9 An Thi.Matupi peng ni 2 sung mipi kilhimtu le ralhrang kahawknak ah ralhrang lam ralbawi telin mi 9 a mal bik an thi tiah CDF-Matupi ih tarlang mi ihsin theih a si. Matupi ihsin peng 10 hrawng hla, Mindat lamzin ah Matupi ih um ralhrang pawl cu CDF-Matupi pawl in April 1, sun nazi 1 hrawngah bomb an rak puah ih ralbawi telin a mal bik ralhrang 3 an thi.

Bomb puahnak ah ralhrang hriamtuar an tam zet ih a kiangkap khua pawl na sa zetin an ur tiah theih a si.Tuini (April 2) zing nazi 11:30 hrawng, ချန်းပြန်း khaw kiangah CDF-Matupi le ralhrang na sa zetin an kapaw sal ih ralhrang a mal bik mi 6 an thi, hriamtuar tam zet an um. CDF-Matupi thi le hriamtuar um lo tiah CDF-Matupi in an tarlang. Ralhrang le CDF-Matupi hi March 30 ihsin an kapaw. March 31 ih kahawknak ah ralhrang mi 16 an thi tiah CDF-Matupi ih tarlang mi ihsin theih a si.

Thawngdang. Kalaymyo Thlanglam Aungmingala Khua Ah Ralhrang Pawl Ralthuam Tum A Tla Ih Mi 1 Hriamtuar. Kalaymyo thlanglam Aungthaya khua le Hmandaw karlak ah ralhrang le CDF-KKG an kapaw, ralhrang pawl ih ralthuam tum kah mi Aungmingala khua ah a tla ih tualsung mi 1 hriam a tuar tiah CDF-KKG ih tarlang mi ihsin theih a si.

Cianta khua ih ralhrang le Phuysawhti pawl cu motor fate 10 hnakih tam le ralhrang mi 50 hnakih tam cu April 2 zinglam nazi 7 hrawngah Hmandaw lam ah an feh ih Aungthaya le Hmandaw karlak ah CDF-KKG thawn an kapaw. Ralhrang pawl ih ralthuam kah mi cu Aungmingala khua ah a tla ih mi 1 na tuk lo in hriam a tuar.Ralhrang pawl cu Aungthaya le Hmandaw khua ah an lut ih khawsung mi an kai ih an vua, inn an bauh, man nei mi si seh, motor, inn zuat tilva, fangfai pawl an lak sak.Tualsung mi pawl cu raltih in an tlan tiah theih a si.Crd;Chinlung Today

Be the first to comment

Leave a Reply

Your email address will not be published.


*