TUNI CHINRAM KHUALIPI HAKHA THAWNGPANG

Hakha COVID-19 Positive Thar Minung 8 an i Chap. Nihin (August 6) Hakha khua City Hall le Sizung ah minung 28 an check hna i minung 8 sin in COVID-19 zawtnak hmuh a si tthan. June 10 in August 6 tiang, Hakha ah minung 1,817 an check cang hna i cu chung ah cun minung 432 sin in zawtnak hmuh a si. Zawtnak a ngeimi minung 432 chung ah minung 303 nih damnak an hmu cang i, a dang minung 15 an nunnak a liam.An zohkhenh liomi hna mizaw 106 an um, tiah Hakha Township Public Healthcare nih August 5 ah a langhter.

May be an image of standing

Thawngpang:PDF Sakhaan Drone in a Ngiathlaitu SAC Ralhrang an Kah. Nihin (August 6) ah Shanram nithlanglei PDF sakhaan Drone in ngiathlainak a tuahtu SAC ralhrang pa cu PDF nih an kah i a thi, tiah PDF-Southern Shan State Generations nih thawngpang an chuah.PDF chungtel pakhat nih, A zaam i kan dawi i kan kah.

A thih lai ah ralkap in a tlimi ka si a ti. Tliknak lam kawl awkah drone ka thlah tiah a chim. Sii kan thlop ko nain a thi tam tuk a chuah caah a thi, tiah a chim. An kahmi pa bag chung ah GPS seh thilri an hmuh i, a hmanmi Drone cu kan hrawh cang, tiah PDF nih an langhter. Credit: The Chin Journal

Be the first to comment

Leave a Reply

Your email address will not be published.


*