Timit Lam Lei Ah SAC Ralkap Le CDF Kar Kahdohnak A Chuak

Nihin August 20, zaanlei sml. 4:30 hrawng ah Timit lam lei ah SAC ralhrang le miphun ralkap karlak kahdohnak a chuak tthan, tiah thawngpang kan theih. “Hakha in SAC ralhrang motor pakhat a chuak i ralkap pawl a vung chiah hna rua. Mah motor cu tunai ah khan Hakha lei ah a lawng in a rak kir tthan cang. Timit lei ah ralhrang motor a kal hnu tlawmpal ah kahdohnak a chuak colh,” tiah minung pakhat nih thil sining a chim.

Tukar hrawng Hakha khuachung le Timit lei ah SAC ralhrang le miphun ralkap karlak kahdohnak pehzul in a um. August 17, zaan sml. 9:30 hrawng ah khan Hakha BOC ah minung 10 chung hrawng kap hnih kahdohnak a rak chuak. Cun, nizan August 19 zinglei sml. 8:30 hrawng zong ah Rual-U thlaan pawng hrawng ah i kahdohnak a chuak. Rual-U thlaan pawng kahdohnak ah SAC ralhrang a tlawm bik minung 5 an thi lai, tiah an zumh. Crd; The Chin Journal

Thawngdang – Uknak latu SAC ralkap nih a ra lai mi thla 6 chung ah van lei le vawlei lei in kahdohnak fak ngai an tuah khawh, tiah CDM tuahtu ralbawi hna le ramkhel lei hlathlaitu hna nih an chim. Mizapi nih thim mi cozah cu thlak in, ralkap uknak a latu SAC nih a luancia July 31 ah khan ralkap uknak cu thla 6 an rak chap.

CDM tuahtu ralbawi(captain) Lyin Htet Aung nih cun, “SAC ralkap nih rampi thimnak an tuah khawh nakhnga, a ra lai mi thla 6 chung ah dohthlennak tuahtu hriamtlai phu hna cu hriamnam tlangtlang in an kah khawh hna, kahdohnak fak ngai an tuah khawh,” tiah a chim.Crd; The Chin Post

Be the first to comment

Leave a Reply

Your email address will not be published.


*